সৰুপথাৰ, 3 জুলাইঃ সৰুপথাৰৰ চুঙাজান সীমান্তৰ নাওঘাট বন শিবিৰৰ নিচেই কাষতে থকা বনাঞ্চলৰ ভূমি উচ্ছেদ ৷ স্থানীয় ৰাইজ আৰু আছু কৰ্মীৰ অভিযোগ অনুসৰি বনাঞ্চলখনৰ মূল্যবান গছ-গছনি কাটি বন বিভাগৰ ছত্ৰছায়াত ভূমি বেদখল কৰি গাঁও পাতিছে এদল সন্দেহজনক নাগৰিকে ৷ নাওঁজান আঞ্চলিক বন বিষয়া কাৰ্যালয়ৰ অধীনষ্ঠ চুঙাজান নাওঘাট এলেকাত বনাঞ্চল ৰক্ষণাবেক্ষণৰ বাবে অসম চৰকাৰৰ এটি বন শিবিৰ আছে ৷
ভূমি বেদখলকাৰীৰ কবলত সৰুপথাৰৰ নাওঘাট বনাঞ্চল
স্থানীয় আছু কৰ্মীৰ অভিযোগ অনুসৰি শিবিৰটোৰ একাংশ বন বিষয়াই ধনৰ লেনদেন কৰি বনাঞ্চলটোৰ ভূমি সন্দেহজনক নাগৰিকক বিক্ৰী কৰে ৷ কিন্তু এগৰাকী বেদখলকাৰীয়ে জানিবলৈ দিয়া মতে স্থানীয় গাঁওবুঢ়াই বহাইছে এই লোকসকলক ৷ উল্লেখ্য যে বেদখল উচ্ছেদৰ দাবীত গোলাঘাট জিলা উপায়ুক্তক লিখিত অভিযোগ কৰিছে আছু কৰ্মীয়ে ৷
