গোলাঘাটৰ উদয়ন চাহ বাগিচাত হাতী মানুহৰ ভয়ংকৰ সংঘাত

হাতী মানুহৰ সংঘাত অব্যাহত ৷ গোলাঘাটৰ উদয়ন চাহ বাগিচাত মুক্ত বিচৰণ এজাক বৃহৎ বনৰীয়া হাতীৰ জাকৰ ৷

গোলাঘাট,19 নৱেম্বৰঃ গোলাঘাটত অব্যাহত আছে হাতী মানুহৰ সংঘাত ৷ গোলাঘাটৰ উদয়ন চাহ বাগিচাত মুক্ত বিচৰণ এজাক বৃহৎ বনৰীয়া হাতীৰ জাকৰ ৷ দিনৰ পোহৰতে চলিছে হাতী মানুহৰ জীৱন-মৰণৰ ভয়াৱহ যুঁজ ৷ মঙলবাৰে নিশাৰ পৰাই পোৱালিসহ বন্য হস্তীৰ জাকে বাগিচাখনত অৱস্থান কৰি আছিল ৷ আতংকিত স্থানীয় ৰাইজে হাতীৰ জাকটোক খেদিবলৈ নিজৰ জীৱনক বিপদত পেলাই চেষ্টা কৰিছিল যদিও সফল হ’ব পৰা নাই ৷ হাতী খেদিবলৈ চেষ্টা কৰা লোকসকল আৰু হাতীৰ মাজত চলিছে গাৰ নোম শিয়ঁৰি উঠা ভয়াৱহ যুঁজ ৷

আনহাতে চাহ বাগিচাত আশ্ৰয় লৈ থকা হাতীৰ জাকটোৱে সন্ধিয়া হ’লেই মৰঙী পথাৰ,হাবিগাঁও পথাৰত বিঘাই বিঘাই পকা ধান খাই সৃষ্টি কৰিছে ত্ৰাসৰ। ওৰে নিশা উজাগৰে থাকিও গাঁওবাসীয়ে হাতীৰ জাকৰ পৰা ৰক্ষা কৰিব পৰা নাই নিজৰ খেতি ডৰা। এইক্ষেত্ৰত বন বিভাগৰ ভূমিকাৰ বিৰুদ্ধে ক্ষোভ উজাৰিছে স্থানীয় ৰাইজে ৷

আৰু পঢ়কঃ ষ্ট্ৰীট লাইট বন্ধ কৰি জে এন ইউৰ ছাত্ৰৰ ওপৰত আৰক্ষীৰ লাঠিচালনা