গোৱালপাৰা, 5মে’: বুধবাৰে বঙাইগাঁও জিলাৰ যোগীঘোপাত সংঘটিত হয় এটা ভয়াৱহ পথ দুৰ্ঘটনা ৷ দলঙৰ ওপৰত ৰৈ থকা দুখনকৈ বাহনক মহতিয়ালে চিলিণ্ডাৰ ভৰ্তি এখন ট্ৰাকে ৷
প্ৰাপ্ত তথ্য অনুসৰি, নৰনাৰায়ণ সেতুৰ ওপৰত বাহনখন ৰখাই চেলফি উঠি থকাৰ সময়তে সংঘটিত হয় এই অঘটন (Selfie on bridge turns fatal for family) ৷ দুৰ্ঘটনাটোত শিশু আৰু মহিলাসহ ৫ জন গুৰুতৰভাবে আহত হোৱা বুলি জানিব পৰা গৈছে ৷ গুৰুতৰভাৱে আহত আটাইকেইগৰাকীকে চিকিৎসাৰ বাবে প্ৰেৰণ কৰা হৈছে গোৱালপাৰালৈ ৷ ইয়াৰে কেইবাজনৰো অৱস্থা সংকটজনক বুলি জানিব পৰা গৈছে ৷
দুৰ্ঘটনাটোত পতিত হোৱা বাহন তিনিখনৰ দুখন ক্ৰমে এ এছ ০১ ডি কে ৮৪৩৫ আৰু এ এছ ২৬ চি ৮৪১১ বুলি জানিব পৰা গৈছে ৷
