ডিমা হাছাও 25 এপ্ৰিলঃ লক ডাউনৰ মাজতে এইবাৰ ডিমা হাছাও জিলাত অপহৰণৰ ঘটনা সংঘটিত হয়। ডিমা হাছাও জিলাত অপৰাধৰ ঘটনা ক্ৰমশ বৃদ্ধি পাবলৈ ধৰিছে । ডিমা হাছাও জিলাৰ আৰক্ষী থানাৰ অন্তৰ্গত গামাডি হাওৰৰ ঘৰৰ পৰা শুকুৰবাৰে সন্ধিয়া অচিনাক্ত 5 জনৰ দুস্কৃতিকাৰী দলে অপহৰণ কৰি লৈ যায়।
লক ডাউনৰ সময়ত এই অপহৰণ কাণ্ডৰ ঘটনাত সমগ্ৰ হাৰেংগাজাও এলেকাত আতংকৰ সৃষ্টি কৰিছে। সন্তোষ হোজাই নামৰ এজন ঠিকাদাৰক ঘৰৰ পৰা শুকুৰবাৰে সন্ধিয়া 6 টা বজাত জোৰ কৰি তুলি লৈ যায় অচিনাক্ত দুৰ্বৃত্তৰ দলে ।
শনিবাৰে অপহৰণ সংক্ৰান্ত এজাহাৰ হাৰেংগাজাও আৰক্ষী থানাত দাখিল কৰে অপহৰণ হোৱা সন্তোষ হোজাইৰ পত্নী জয়তা হোজাইয়ে। এজাহাৰ ভিত্তিত হাৰেংগাজাও আৰক্ষীয়ে অনুসন্ধান আৰম্ভ কৰিছে। জয়তি হোজাইয়ে দিয়া তথ্য অনুসৰি শুকুৰবাৰ সন্ধিয়া 6 টা মান বজাত এখন বগা ৰঙৰ বলেৰ' গাড়ীলৈ 5 জনীয়া অচিনাক্ত দুৰ্বৃত্তৰ দলে ঘৰত আহি সন্তোষ হোজাইক বিচাৰে তেতিয়া ঠিকাদাৰ গৰাকী ঘৰত নাপাই তেঁওৰ মোবাইল নম্বৰ বিচাৰে পত্নীৰ পৰা। ইয়াৰ পিছতেই সন্তোষ হোজাই ঘৰত আহি উপস্থিত হোৱাত এই 5 জনীয়া অচিনাক্ত দুৰ্বৃত্তৰ দলটোৱে ঠিকাদাৰ গৰাকীক জোৰ কৰি বলেৰো গাড়ী খনত তুলি লৈ যায়।
লগতে পঢকঃ আমিনগাঁও কামৰূপ জিলা প্ৰশাসনৰ তত্বাৱধানত আবদ্ধ লোকৰ বাবে বাছ মুকলি
