ডিমা হাছাও, 7 আগষ্ট : ভাৰতৰ স্বাধীনতাৰ ৭৫তম বৰ্ষ উপলক্ষে(75th years of Independence of India) কেন্দ্ৰীয় চৰকাৰৰ উদ্যোগত উদযাপন কৰা "আজাদী কা অমৃত মহোৎসৱ"ৰ (Azadi Ka Amrit Mahotsav) লগত সংগতি ৰাখি সকলোৰে ঘৰে ঘৰে ত্ৰিৰংগা উৰুৱাৰ বাবে দেশৰ প্ৰধানমন্ত্ৰী নৰেন্দ্ৰ মোদী আৰু অসমৰ মুখ্যমন্ত্ৰী ড৹ হিমন্ত বিশ্ব শৰ্মাই জনাইছিল আহ্বান ।
সেই আহ্বান মৰ্মে এইবাৰ হাফলং চহৰৰ জিলা উপায়ুক্তৰ কাৰ্যালয়, উত্তৰ কাছাৰ পাৰ্বত্য স্বায়ত্ব শাসিত পৰিষদ সচিবালয়, হাফলং মুখ্য পোষ্ট অফিচ, হাফলং পৌৰ বোৰ্ডৰ কাৰ্যালয় প্ৰাংগণৰ লগতে বিভিন্ন ঠাইত জাতীয় পতাকা বিক্ৰী কৰাৰ কেন্দ্ৰৰ লগতে চেল্ফি পইন্ট খোলা হয় ।
হৰ ঘৰ ত্ৰিৰংগা অভিযানৰ(Har Ghar Tiranga 2022) অংশ হিচাবে ৰাজ্যৰ অন্যান্য প্ৰান্তৰ লগতে সমান্তৰালকৈ দেওবাৰে ডিমা হাছাও জিলাৰ সদৰ চহৰ হাফলংত এক সজাগতা শোভাযাত্ৰা উলিওৱা হয়(Awareness march at Haflong) । ৰাষ্ট্ৰ সেৱিকা সমিতিৰ উদ্যোগত হাফলং সাংস্কৃতিক ভৱনৰ পৰা এক সজাগতামূলক শোভাযাত্ৰা বাহিৰ কৰে ৷ এই শোভাযাত্ৰাত মহিলাসকলে ভাগ লোৱাৰ বিপৰীতে কণ কণ ছাত্ৰ-ছাত্ৰীসকলে ভাগ লয় ।
ইফালে, হাতে হাতে জাতীয় পতাকা লৈ হাফলং সাংস্কৃতিক ভৱন প্ৰাংগণৰ পৰা আৰম্ভ কৰি উত্তৰ কাছাৰ পাৰ্বত্য স্বায়ত্ব শাসিত সচিবালয় ৰোটাৰি হৈ পুনৰ হাফলং সাংস্কৃতিক ভৱনত এই শোভাযাত্ৰাৰ অন্ত পৰে ।
লগতে পঢ়ক : Tiranga Distribution: অমৃত মহোৎসৱ আৰু এগৰাকী ব্যতিক্ৰমী শিক্ষক
