টিংখাং,18 জানুৱাৰী : টিংখাঙত নাহৰফুটুকী বাঘৰ সন্ত্ৰাস । টিংখাঙৰ তিনিআলি চাহ বাগিচাত শণিবাৰে দুপৰীয়া চলিল বাঘৰ আক্ৰমণ । তিনিআলি বিল দলঙৰ কাষত খৰি কাটিবলৈ যাওঁতে মিনা ঝাৰা নামৰ এগৰাকী মহিলাক আক্ৰমণ কৰে । বাঘৰ আক্ৰমণত মূৰ আৰু মুখমণ্ডলত গুৰুতৰভাৱে আঘাতপ্ৰাপ্ত মহিলাগৰাকীক ততাতৈয়াকৈ স্থানীয় তিনিআলি চাহ বাগিচা চিকিৎসালয়ত প্ৰাথমিক চিকিৎসা কৰাৰ পাচত উন্নত চিকিৎসাৰ বাবে প্ৰেৰণ কৰা হৈছে । ইয়াৰ পাছতে পুনৰ বাঘটোৱে আন দুজন ব্যক্তিক আক্ৰমণ কৰি গুৰুতৰ ভাৱে আহত কৰে । আহত ব্যক্তি দুজনক উন্নত চিকিৎসাৰ বাবে ডিব্ৰুগড়লৈ প্ৰেৰণ কৰা হয় । বৰ্তমান ঘটনাস্থলিত বন বিভাগৰ লোক উপস্থিত হৈ বাঘটো ধৰিবলৈ পিঞ্জৰা পতাৰ ব্যৱস্থা কৰিছে । উল্লেখযোগ্য যে অঞ্চলটোত দীৰ্ঘদিন ধৰি কেইবাটাও নাহৰফুটুকী বাঘে সন্ত্ৰাস চলাই আহিছে বুলি স্থানীয় ৰাইজে সদৰি কৰে ৷
লগতে পঢ়ক:অসমতে ভগনীয়া হ’ল অসমীয়া সংস্কৃতি
