মৰাণ, ২৩ মাৰ্চ: বিধানসভা নিৰ্বাচনৰ পূৰ্বে পুনৰ জনজাতিকৰণৰ প্ৰসংগ উত্থাপন কৰি চৰকাৰৰ বিৰুদ্ধে ক্ষোভ উজাৰে টাই আহোম যুৱ পৰিষদে । মৰাণত মঙলবাৰে এক সংবাদমেল সম্বোধন কৰি সংগঠনটোৰ কেন্দ্ৰীয় সমতিয়ে আহোম জনগোষ্ঠীৰ প্ৰায় ৪২ লাখ লোকক জনগোষ্ঠীটোৰ হকে কাম কৰা প্ৰাৰ্থীকহে জয়যুক্ত কৰাবলৈ আহ্বান জনায় ।
সংগঠনটোৰ নেতৃত্বই ক্ষোভ প্ৰকাশ কৰি কয় যে, চৰকাৰ সলনি হৈছে, কিন্তু আহোম জনগোষ্ঠীৰ দাবী আজিও পূৰণ কৰা নাই । কংগ্ৰেছ অথবা বিজেপিয়ে নিৰ্বাচনৰ পূৰ্বে প্ৰতিশ্ৰুতি দিয়ে । কিন্তু শাসনৰ গাদী দখল কৰাৰ পিছতে তেওঁলোকৰ জনজাতিকৰণৰ বিষয়টোৰ প্ৰতি পিঠি দিয়ে । মুঠতে কোনো ৰাজনৈতিক দলে আজি পৰ্যন্ত আহোম জনগোষ্ঠীৰ দাবী পূৰণ নকৰিলে ।
সেয়ে, এইবাৰ বিধানসভা নিৰ্বাচনত আহোম জনগোষ্ঠীৰ প্ৰাৰ্থীকহে এইবাৰ বিধানসভা নিৰ্বাচনত জয়ী কৰাবলৈ জনগোষ্ঠীটোৰ লোকক আহ্বান জনালে সংগঠনটোৰ নেতৃত্বই । লগতে শিৱসাগৰৰ পৰা প্ৰতিদ্বন্দিতা আগবঢ়োৱা কৃষক নেতা অখিল গগৈক জয়যুক্ত কৰাবলৈও শিৱসাগৰৰ ৰাইজৰ প্ৰতি আহ্বান জনায় সংগঠনটোৰ কেন্দ্ৰীয় সমিতিৰ সভাপতি বিজয় ৰাজকোঁৱৰে ।
লগতে পঢ়ক:নাগৰিকত্ব সংশোধনী আইন শীঘ্ৰে বলৱৎ কৰাৰ হুংকাৰ নাড্ডাৰ
