ডিব্ৰুগড়, 1 এপ্ৰিল: ডিব্ৰুগড়ত সংঘটিত হৈছে গুলীচালনাৰ ঘটনা । গুলীচালনাত গুৰুতৰভাৱে আহত হয় এগৰাকী ১৫ বছৰীয়া কিশোৰী । ঘটনাক লৈ ডিব্ৰুগড়ৰ আমোলাপট্টিৰ গাৰ্ড কোৰ্টাৰত সৃষ্টি হৈছে চাঞ্চল্যৰ (Minor girl shoots self in Dibrugarh) ৷
১৫ বছৰীয়া কিশোৰীগৰাকীয়ে পিষ্টলেৰে গুলীবিদ্ধ কৰে নিজকে । ফলত মুখমণ্ডলত গুৰুতৰভাৱে আঘাত পোৱা কিশোৰীগৰাকীক সংকটজনক অৱস্থাত ভৰ্তি কৰোৱা হৈছে ডিব্ৰুগড়স্থিত চিকিৎসা মহাবিদ্যালয়ত । যুৱতীগৰাকীৰ পিতৃ এখন Gun house ৰ স্বত্বাধিকাৰী বুলি জানিব পৰা গৈছে ।
গুৰুতৰভাৱে আঘাতপ্ৰাপ্ত কিশোৰীগৰাকীৰ মুখমণ্ডলৰ বাওঁঅংশটোৰ সম্পূৰ্ণৰূপে ক্ষতি হোৱা বুলি চিকিৎসকে জানিবলৈ দিছে ৷ কিশোৰীগৰাকীয়ে এইদৰে গুলীচালনা কৰিবলগা হোৱাৰ কাৰণ স্পষ্ট হোৱা নাই যদিও এয়া আত্মহত্যাৰ প্ৰচেষ্টা বুলি সন্দেহ কৰা হৈছে ৷
লগতে পঢ়ক: Threats To PM Modi: প্ৰধানমন্ত্ৰী নৰেন্দ্ৰ মোডীক হত্যাৰ ভাবুকি
