মৰাণ,৯ আগষ্ট: সোমবাৰে মৰাণত উপস্থিত হয় মাজুলী আৰক্ষীৰ এটা দল(Majuli police in Moran) । মৰাণত উপস্থিত হৈ মাজুলী আৰক্ষীৰ দলটোৱে অভিযান চলাই মৰাণৰ পেচিফিক ইন হোটেলত(Majuli police probe into Moran hotel) । মাজুলীৰ ডিএছপিৰ নেতৃত্বত আৰক্ষীৰ এটা দলে যুৱতী নিৰ্যাতনৰ ঘটনাৰ তদন্ত কৰিবলৈ চৰাইদেউ জিলাৰ মৰাণহাট আৰক্ষী থানাৰ অন্তৰ্গত তিখৰাই তিনি আলিৰ ৩৭ নং ৰাষ্ট্ৰীয় ঘাইপথৰ কাষত অৱস্থিত উক্ত হোটেলখনলৈ আহিছিল ।
সূত্ৰ অনুসৰি, প্ৰায় তিনি মাহ পূৰ্বে এজন যুৱকে হোটেলৰ কোঠালৈ যুৱতী গৰাকীক আনি নিৰ্যাতন কৰাৰ কথা পোহৰলৈ আহিছিল আৰু তাৰ তদন্ত কৰিবলৈ মৰাণত উপস্থিত হয় মাজুলী আৰক্ষী । যুৱতীগৰাকীয়ে মাজুলী থানাত গোচৰ ৰুজু কৰাৰ পিছত মাজুলী থানাৰ আৰক্ষীৰ লগতে যুৱতীগৰাকী আৰু তেওঁৰ অভিভাৱকসহ তদন্তৰ বাবে মৰাণহাটত উপস্থিত হয় ।
হোটেলখনখনত বহু সময় ধৰি আৰক্ষীৰ দলটোৱে অভিযান চলায় । পৰৱৰ্তী সময়ত মাজুলী আৰক্ষীয়ে গোচৰটোৰ তদন্তৰ বাবে প্ৰয়োজনীয় কাগজ-পত্ৰ আদি লৈ উভতি যায় । হোটেলখনৰ গৰাকীয়ে কয় য়ে হোটেলৰ নিয়ম অনুসৰি তেওঁলোকে পৰিচয় পত্ৰ লৈ গ্ৰাহকক কোঠাটো প্ৰদান কৰিছিল । ইফালে তদন্ত প্ৰক্ৰিয়াত উপস্থিত থকা মৰাণ আৰক্ষীৰ চক্ৰ পৰিদৰ্শক সিদ্ধেশ্বৰ বড়োৱে কয় যে মাজুলীত পঞ্জীয়ন কৰা গোচৰটোৰ তদন্ত মাজুলী আৰক্ষীয়ে কৰি আছে আৰু তদন্ত অব্যাহত থাকিব ।
লগতে পঢ়ক: Rangia freedom fighter passed away: ৰঙিয়াৰ প্ৰবীণ মুক্তি যুঁজাৰু কৃষ্ণকান্ত লহকৰৰ ইহলীলা সম্বৰণ
