মৰাণ, ১১ ছেপ্টেম্বৰ:সাংস্কৃতিক সমাৰোহেৰে মুখৰিত হৈছে নাহৰৰ দেশ । দেওবাৰে বিভিন্ন জনগোষ্ঠীৰ পৰম্পৰাগত নৃত্যৰ জৰিয়তে প্ৰাণ পাই উঠিল উজনি অসমৰ উচ্চ শিক্ষাৰ প্ৰাণকেন্দ্ৰ ডিব্ৰুগড় বিশ্ববিদ্যালয়ৰ পদ্মনাথ গোহাঞি বৰুৱা ছাত্ৰাৱাস । সোণালী জয়ন্তী বৰ্ষত ভৰি দিয়া ডিব্ৰুগড় বিশ্ববিদ্যালয়ৰ (Dibrugarh University)ঐতিহ্যমণ্ডিত পদ্মনাথ গোহাঞি বৰুৱা ছাত্ৰাৱাসে(Padmanath Gohain Baruah Hostel of DU) এই উপলক্ষে ৰূপায়ণ কৰিলে বিভিন্ন সাংস্কৃতিক কাৰ্যসূচী ।
সোণালী জয়ন্তী(Golden Jubilee of Padmanath Gohain Baruah Hostel)বৰ্ষৰ সৈতে সংগতি ৰাখি তিনিদিনীয়াকৈ আয়োজন কৰা হয় স্বৰ্ণ সৌৰভ(Swarna Saurav in Dibrugarh University) শীৰ্ষক কাৰ্যসূচী । স্বৰ্ণ সৌৰভৰ অন্তিম দিনাৰ কাৰ্যসূচীত ৰূপায়ণ কৰা হয় বাৰেৰহণীয়া সাংস্কৃতিক শোভাযাত্ৰা । ডিব্ৰুগড় বিশ্ববিদ্যালয়ৰ উপাচাৰ্য ড৹ জিতেন হাজৰিকাই উদ্বোধন কৰাৰ পিছত ছাত্ৰাৱাসৰ প্ৰাক্তন আৰু বৰ্তমানৰ শিক্ষাৰ্থীৰ লগতে বিশ্ববিদ্যালয়ৰ বিভিন্ন ছাত্ৰাৱাস তথা বিভাগৰ শিক্ষাৰ্থীসকলৰ দ্বাৰা উলিওৱা এই সাংস্কৃতিক শোভাযাত্ৰাই ৰজনজনাই তুলিলে নাহৰৰ দেশক ।
দুই সহস্ৰাধিক ছাত্ৰ-ছাত্ৰীয়ে এই সাংস্কৃতিক শোভাযাত্ৰাত (Cultural procession in Dibrugarh University) অংশগ্ৰহণ কৰে । পদ্মনাথ গোহাঞি বৰুৱা ছাত্ৰাৱাসৰ পৰা শোভাযাত্ৰাটোৱে বিশ্ববিদ্যালয়ৰ প্ৰথম প্ৰৱেশদ্বাৰেদি গৈ ৩৭ নং ৰাষ্ট্ৰীয় ঘাইপথৰ পৰা জ্যোতি বাটচ'ৰায়েদি প্ৰৱেশ কৰি ৰংঘৰ প্ৰাংগণত সমাপন কৰে ।
উল্লেখ্য় যে, ডিব্ৰুগড় বিশ্ববিদ্যালয় অসমৰ পূৱ প্ৰান্তত অৱস্থিত উত্তৰ-পূৰ্বাঞ্চলৰ অন্যতম বিশ্ববিদ্যালয় । ১৯৬৫ এই বিশ্ববিদ্যালখনয় স্থাপিত হৈছিল । উত্তৰ-পূৰ্বাঞ্চলৰ উচ্চশিক্ষাৰ অন্যতম কেন্দ্ৰৰূপে পৰিচিত এইখন বিশ্ববিদ্যালয়ত কলা,বিজ্ঞান,বাণিজ্য আৰু প্ৰযুক্তিবিদ্যা বিষয়ক শিক্ষাদানৰ বাবে বিভিন্ন বিভাগ আৰু অধ্যয়ন কেন্দ্ৰ আছে । এই বিশ্ববিদ্যালয়খনৰেই অন্য়তম ছাত্ৰাবাস হৈছে পদ্মনাথ গোহাঞি বৰুৱা ছাত্ৰাৱাস।
লগতে পঢ়ক:অসম যেতিয়ালৈকে থাকিব ভ্ৰাম্যমাণ থিয়েটাৰো থাকিব: নয়ন নীলিম
