দৰং, 30 মাৰ্চ : বিধানসভা নিৰ্বাচনৰ দ্বিতীয় পৰ্যায়ৰ ভোটগ্ৰহণৰ বাবে দৰং জিলাৰ অন্তৰ্গত 53 টা ভোটকেন্দ্ৰলৈ মঙলবাৰে আগতীয়াকৈ ৰাওনা হৈছে ভোটগ্ৰহণৰ দায়িত্বত নিয়োজিত প্ৰিজাইডিং আৰু প’লিং বিষয়াৰ দল । জিলাখনৰ অতি দুৰ্গম চৰ অঞ্চলত অৱস্থিত উক্ত ভোটকেন্দ্ৰসমূহলৈ যাতায়াত ব্যৱস্থা সুচল নোহোৱাৰ বাবেই জিলা প্ৰশাসনে ভোটগ্ৰহণৰ দায়িত্বত নিয়োজিত বিষয়া-কৰ্মচাৰী সকলক এদিন আগতীয়াকৈ পঠিওৱাৰ ব্যৱস্থা কৰে ।
নিৰ্বাচনী বিষয়া ৰাজ বৰুৱাই জানিবলৈ দিয়া মতে, 66 নং ছিপাঝাৰ বিধানসভা সমষ্টিৰ 16 টা আৰু 67 নং মঙলদৈ (অনুসূচিত জাতি) বিধানসভা সমষ্টিৰ 37 টা ভোটকেন্দ্ৰলৈ প্ৰিজাইডিং-প’লিং বিষয়াৰ দল ৰাওনা হৈছে ।
উল্লেখ্য যে, এইসমূহ ভোটগ্ৰহণ কেন্দ্ৰলৈ যাবলৈ যাতায়াতৰ বাবে চাৰিচকীয়া বাহন, ট্ৰেক্টৰ, নৌকা, ম’হৰ গাড়ী আদিৰো সহায় ল’বলগীয়া হৈছে ।
লগতে পঢ়ক: সৰুক্ষেত্ৰীত AIUDFত যোগদান বহুগৰাকী কংগ্ৰেছ নেতাৰ
