মৰাণ, 26 ছেপ্টেম্বৰ : সমাগত দুৰ্গা পূজাক লৈ প্ৰস্তুতি তুংগত উঠিছে পূজা সমিতিৰ লগতে প্ৰশাসনৰো । পূজাৰ দিন কেইটাত যাতে কোনো ধৰণৰ অপৰাধজনিত ঘটনা সংঘটিত হ’ব নোৱাৰে তাৰ বাবে আৰক্ষী প্ৰশাসন সষ্টম হৈ উঠিছে । ৰাজ্যৰ বিভিন্ন প্ৰান্তৰ দৰে চৰাইদেউ জিলাৰ মৰাণহাট আৰক্ষীও তৎপৰ হোৱা পৰিলক্ষিত হৈছে ।
সমাগত দুৰ্গা পূজাক লৈ অবৈধ সুৰাৰ বিৰুদ্ধে তীব্ৰ অভিযান আৰম্ভ কৰিছে মৰাণহাট আৰক্ষীয়ে । সোমবাৰে মৰাণ হিংৰিজান চাহ বাগিচাত আপাৰ টেঙানি লাইনত অভিযান চলাই আৰক্ষীয়ে কেইবাশ লিটাৰ চুলাই নষ্ট কৰে (Moranhat Police operation against illegal wine) ৷ লগতে চুলাই প্ৰস্তুত কৰা বিভিন্ন সামগ্ৰীও জব্দ কৰে ।
কেৱল সোমবাৰেই নহয়, এই অভিযান প্ৰতিদিনেই চলি থাকিব বুলি জানিবলৈ দিয়ে আৰক্ষীয়ে ।
উল্লেখ্য যে, দেওবাৰেও মৰাণহাট আৰক্ষী থানাৰ এলেকাত অভিযান চলাই আৰক্ষীয়ে বৃহৎ পৰিমাণৰ বিলাতী সুৰা জব্দ কৰিবলৈ সক্ষম হৈছিল ।
লগতে পঢ়ক : পেট্ৰ’ল বোমা বিস্ফোৰণৰ সন্দেহত ১৮ জনক গ্ৰেপ্তাৰ
