শিলচৰ ডিটেনশ্যন কেম্পৰ পৰা মুক্তি দুই মহিলাক

শিলচৰ,22 এপ্ৰিল : কাছাৰৰ ঠালি গ্ৰামৰ বাসিন্দা মিনাৰা বেগমে বুধবাৰে শিলচৰ ডিটেনশ্যন কেম্পৰ পৰা মুক্তি লাভ কৰে ৷ 15 দিনীয়া কেঁচুৱা কোলাত লৈ 10 বছৰৰো অধিক সময় ডিটেনশ্যন কেম্পত থকাৰ পিছত সৰ্বোচ্চ আদালতৰ নিৰ্দেশত মুক্তি পায় মিনাৰা বেগমে ৷

ইফালে, মিনাৰা বেগমৰ কেচুৱা ছোৱালী শাহানাৰা বেগমো ডিটেনশ্যন কেম্পতে ডাঙৰ হৈ 10 বছৰ বছৰ বয়সত মুক্তি পায় ৷ ডিটেনশ্যন কেম্পৰ পৰা ওলায়েই মাক-জীয়েকে সংবাদ মাধ্যমৰ আগত নিজৰ অনুভৱ ব্যক্ত কৰে ৷

উল্লেখ্য যে,পঢ়াত চোকা মিনাৰা বেগমৰ কন্যা শাহানাৰা বেগমে ডিটেনশ্যন কেম্পত পঢ়িবলৈ সুবিধা পোৱা নাছিল যদিও শাহানাৰাই জেলৰ ভিতৰতে পঢা-শুনা অব্যাহত ৰাখে বুলি জানিব পৰা গৈছে ৷

আনহাতে,কাছাৰৰ ঠালি গ্ৰামৰ বাসিন্দা সুলেখা দাসেও মঙলবাৰে ডিটেনশ্যন কেম্পৰ পৰা মুক্তি পায় ৷ 2018ৰ 18 এপ্ৰিলত শিলচৰ বিদেশী চিনাক্তকৰণ ন্যায়াধীকৰণে সুলেখা দাসক ডিটেনশ্যন কেম্পলৈ প্ৰেৰণ কৰিছিল ৷ মুকলি আকাশৰ তলত নিজকে পাই নিজৰ সুখী বুলি সংবাদ মাধ্যমৰ আগত ব্যক্ত কৰে সুলেখা দাসে ৷

লগতে পঢ়ক : কোকৰাঝাৰত ব্যৱসায়ীৰ প্ৰশংসনীয় পদক্ষেপ