শিলচৰ, ২৯ মাৰ্চ: সোমবাৰে কাছাৰ জিলাৰ মধুৰাপুলত দুখন বাইক দুৰ্ঘটনাত পতিত হয় । দুপৰীয়া প্ৰায় ১ বজাত শিলচৰ-মণিপুৰ ৰাষ্ট্ৰীয় ঘাইপথৰ মধুৰাপুল অঞ্চলত সংঘটিত হয় এই দুৰ্ঘটনা । তীব্ৰবেগী বাইক দুখনৰ মুখামুখি সংঘৰ্ষত ৪ জন বাইক আৰোহী গুৰুতৰভাৱে আহত হয় ।
আহত যুৱককেইজন হৈছে ৰাহুল ৰবিদাস, সঞ্জু ৰবিদাস, বাৰেশ্বৰ ৰয় আৰু জণ্টু দাস ৷ দুৰ্ঘটনাৰ পিছতে আহত যুৱককেইজনক স্থানীয় ৰাইজে শিলচৰ চিকিৎসা মহাবিদ্যালয় হাস্পতাললৈ প্ৰেৰণ কৰে ৷ আনহাতে, ফাকুৱাৰ দিনাই এনে ভয়াৱহ দুৰ্ঘটনা সংঘটিত হোৱাত অঞ্চলটোত ৰঙৰ উৎসৱৰ আনন্দ কিছু হ'লেও ম্লান পৰে ।
লগতে পঢ়ক:চিদ্দিক আহমেদৰ সৈতে ইটিভি ভাৰত অসমৰ আছুতীয়া সাক্ষাৎকাৰ...
