শিলচৰ, 30 জুলাই : শুকুৰবাৰে, কাছাৰ জিলাৰ কাটিগড়াৰ বিহাড়া হাৰাঙত শিলৰ কুৱৰীৰ পৰা শিল কঢ়িয়াই লৈ গৈ থকা গাড়ীলৈ লক্ষ্য কৰি গুলীচালনা কৰাৰ ঘটনা সংঘটিত হয় ৷ দুস্কৃতিকাৰীয়ে এইদৰে শিল কঢ়িয়াই নিয়া গাড়ীলৈ গুলীচালনা কৰাৰ ঘটনাই তীব্ৰ চাঞ্চল্যৰ সৃষ্টি কৰিছে সমগ্ৰ অঞ্চলটোত ৷ প্ৰাপ্ত তথ্য মতে, ঘটনাস্থলীত সময় মতেই উপস্থিত হয় বন সংমণ্ডল বিষয়া(forest ranger) পিংকু সিনহা ।
অৱশ্যে, ঘটনাৰ প্ৰায় দুই ঘণ্টা অতিবাহিত হোৱাৰ পিছতো ঘটনা স্থলীত উপস্থিত নহ'ল আৰক্ষী বাহিনী(police force)। গুলীচালনাৰ ঘটনাৰ পিছত সেই স্থানত কৰ্মৰত হৈ থকা লোক সকলো আতংকিত হৈ পলাবলৈ বাধ্য হ'য় ৷ ইফালে, লগত কোনোধৰণৰ অস্ত্ৰ-শস্ত্ৰ নোহোৱাৰ বাবে বিষয়া গৰাকীয়ে কোনোধৰণৰ ব্যৱস্থা গ্ৰহণ কৰাত ব্যৰ্থ হয় ৷
উল্লেখযোগ্য যে, চুবুৰীয়া ৰাজ্য মিজোৰামৰ সৈতে লাইলাপুৰত তীব্ৰ সংঘাটময় অৱস্থাত চলি থকা সীমা বিবাদ(assam mizoram border dispute)ৰ ঘটনাৰ মাজতে জিলাখনত সংঘটিত হোৱা এনে ঘটনাই স্বাভাৱিকভাৱেই আতংকৰ সৃষ্টি কৰিছে ৷ 26 জুলাইত মিজোৰামৰ আৰক্ষী তথা দুৰ্বৃত্ত(Mizoram police and miscreants)ই গুলীচালনা কৰা ঘটনাত ইতিমধ্যে, 6 জনকৈ অসম আৰক্ষী বাহিনীৰ লোক নিহত হৈছে ৷ মুঠৰ ওপৰত কাছাৰ জিলাৰ লগতে সমগ্ৰ বৰাক উপত্যাকাবাসী ৰাইজে অশান্তজৰ্জৰ পৰিস্থিতিৰ মাজত সময় অতিবাহিত কৰিব লগীয়া হৈছে ৷
লগতে পঢ়ক : অমলেট খাবলৈ নাপাই তোতা মিঞাই পত্নীক কি কৰিলে জানে নে ?
