বৰপেটা ২১ জুন: সৰ্থেবাৰী আৰক্ষীৰ জালত বৃহৎ পৰিমাণৰ গাঞ্জা সহ দুই গাঞ্জাৰ চোৰাং ব্যৱসায়ী ৷ সৰ্থেবাৰী আৰক্ষী থানাৰ ভাৰপ্ৰাপ্ত আৰক্ষী বিষয়া অঞ্জন বড়োৰ নেতৃত্বত যোৱা আৰক্ষীৰ এটা দলে গোপন সূত্ৰৰ পম খেদি সৰ্থেবাৰী আৰক্ষী থানাৰ অন্তৰ্গত চিনাদীৰ পৰা গ্ৰেপ্তাৰ কৰে দুই দুই ব্যৱসায়ীক ৷
গ্ৰেপ্তাৰ হোৱা দুই ব্যৱসায়ী নলবাৰী জিলাৰ বৰ্ণিৰ বালাপাৰা চুপাৰ মৰহুম আনাদোহা আলীৰ পুত্ৰ কাদেৰ আলী ওৰফে বগা আলী আৰু মৰহুম তালেৱ আলীৰ পুত্ৰ আইজুদ্দিন আহমেদ বুলি প্ৰকাশ কৰিছে আৰক্ষীয়ে ৷
আৰক্ষীয়ে অৱগত কৰা অনুসৰি, গাঞ্জা খিনি বিক্ৰীৰ বাবে চিনাদী গাঁৱলৈ আহোঁতেই স্থানীয় ৰাইজৰ সহযোগত দুয়োকে গ্ৰেপ্তাৰ কৰে সৰ্থেবাৰী আৰক্ষীয়ে ৷ উল্লেখ্য যে অঞ্চলটোত গঢ়ি উঠা অবৈধ মদ-গাঞ্জাৰ ব্যৱসায়ীৰ দৌৰাত্মই উদ্বিগ্ন কৰি তুলিছিল সচেতন মহলক ৷ আৰক্ষীৰ সফলতাৰ শলাগ লৈছে অঞ্চলটোৰ ৰাইজে ৷
লগতে পঢ়কঃ ধেমাজিৰ বৰধামত গাই নদীয়ে ছিঙিলে মথাউৰি
