জনিয়া, 6 আগষ্ট: ভাৰতৰ স্বাধীনতাৰ ৭৫ বছৰ সম্পূৰ্ণ (75th years of Independence of India) হোৱা উপলক্ষে 'আজাদী কা অমৃত উৎসৱ' (Azadi Ka Amrit Mahotsav)ৰ লগত সঙ্গতি ৰাখি দেশত চলি থকা 'ঘৰে-ঘৰে ত্ৰিৰংগা’ অভিযানে (Har Ghar Tiranga Abhiyan) অসমতো এক গতি লাভ কৰিছে ।
'ঘৰে-ঘৰে ত্ৰিৰংগা’ অভিযানৰ ব্যাপক কাৰ্যসূচী আৰম্ভ হৈছে অসমতো ৷ এই উপলক্ষে অহা ১৩ আগষ্টৰ পৰা ১৫ আগষ্টলৈ দেশজুৰি ঘৰে ঘৰে ত্ৰিৰংগা উত্তোলনৰ কাৰ্যসূচী ৰূপায়ন কৰা হ’ব ৷
ৰাজ্যৰ ভিন্ন প্ৰান্তৰ সমান্তৰালকৈ জনিয়াতো 'ঘৰে-ঘৰে ত্ৰিৰংগা’ অভিযানৰ ব্যাপক প্ৰস্তুতি দেখিবলৈ পোৱা গৈছে ৷ অসম ৰাজ্যিক গ্ৰামীণ জীৱিকা অভিযানৰ আত্মসহায়ক গোটৰ মহিলাৰ 'ঘৰে-ঘৰে ত্ৰিৰংগা’ উপলক্ষে এক বিশেষ ৰেলী । জনিয়া আঞ্চলিক গ্ৰামোন্নয়ন পৰিষদৰ সভা কক্ষত মন্দিয়া খণ্ড উন্নয়ন প্ৰকল্পৰ অধীনস্থ মহামিলন মণ্ডল পৰ্যায়ৰ সংগঠনটোৰ উদ্যোগত আয়োজন কৰা হয় বিশেষ প্ৰশিক্ষণৰ ৷
এই প্ৰশিক্ষণৰ অন্তত স্কুটি, বাইক আৰু ই- ৰিক্সাৰে এটা ৰেলী উলিয়াই কাদং বজাৰত এখন তিনিবৰণীয়া পতাকা বিক্ৰী কেন্দ্ৰ মুকলি কৰে মন্দিয়া খণ্ড উন্নয়ন প্ৰকল্প বিষয়া সৌৰভ দাসে (Tiranga Sales Center opened in Jania) ৷
এই কাৰ্যসূচীত খণ্ড সমন্বয়ক ভেনু জ্যোতি দেৱ শৰ্মা, কাদং পঞ্চায়তৰ জীৱিকা সখী হামিদা বেগম , পশু সখী হাওৱা খানম, জনীয়া পঞ্চায়তৰ জীৱিকা সখী আবিদা চুলতানা হক, মহামিলন মণ্ডল পৰ্যায়ৰ সংগঠনৰ সভানেত্ৰী মৰ্জিয়ানা খাতুন, সম্পাদিকা আনজু মনোৱাৰা খাতুনকে আদি কৰি ভালেসংখ্যক ব্যাক্তি উপস্থিত থাকে ।
লগতে পঢ়ক: Har Ghar Tiranga: জোনাইৰ মহকুমাধিপতিৰ কাৰ্যালয়ত মুকলি ত্ৰিৰংগা বিক্ৰী কেন্দ্ৰ
