বৰপেটা, ২ জুলাই: মুখ্যমন্ত্ৰীৰ কঠোৰ নিৰ্দেশৰ পাচত বৰপেটাৰ উপায়ুক্তৰ ব্যক্তিগত সহায়কক(PA of Barpeta district DC) শাস্তিমূলক বদলি ৷ ব্যক্তিগত সহায়ক গীতাৰ্থ নন্দন দাসক ব্যক্তিগত সহায়ক আৰু দুৰ্যোগ প্ৰশমন বিভাগৰ কনিষ্ঠ সহায়ক পদৰ পৰা বদলি কৰা হৈছে ৷ উপায়ুক্ত কাৰ্যালয়ৰ পৰিকল্পনা আৰু উন্নয়ন বিভাগলৈ বদলি গীতাৰ্থ নন্দন দাসক ৷
উপায়ুক্ত তেজ প্ৰসাদ ভূচালে এক নিৰ্দেশযোগে বদলি কৰে ব্যক্তিগত সহায়কগৰাকীক ৷ একে সময়তে ব্যক্তিগত সহায়ক পদৰ উপৰিও দুৰ্যোগ প্ৰশমন বিভাগৰ কনিষ্ঠ সহায়ক পদতো কাৰ্যনিবাহ কৰি আছিল গীতাৰ্থ নন্দন দাসে ৷ ২০১৫ চনৰ পৰা উপায়ুক্তৰ ব্যক্তিগত সহায়ক পদত কাৰ্যনিবাহ কৰি আছিল গীতাৰ্থ নন্দন দাসে ৷
ইপিনে বান সাহায্যৰ নামত বিয়াগোম কেলেংকাৰী সংঘটিত হোৱা বুলি উত্থাপিত অভিযোগৰ ভিত্তিত একেটা নিৰ্দেশযোগে দুৰ্যোগ প্ৰশমন বিভাগৰ কনিষ্ঠ সহায়ক সুশীল বেককো উপায়ুক্ত কাৰ্যালয়ৰ আন এটা বিভাগলৈ বদলি কৰা হৈছে ৷
উল্লেখ্য যে কিছুদিন পূৰ্বে উপায়ুক্তসকলৰ সৈতে হোৱা ভিডিঅ' কনফাৰেন্সত(CM video conference with DC) মুখ্যমন্ত্ৰী় ড৹ হিমন্ত বিশ্ব শৰ্মাই বৰপেটাৰ উপায়ুক্তৰ ব্যক্তিগত সহায়কগৰাকীৰ মতে চলিলে বিপদত পৰিব বুলি কৈ বেয়াকৈ ককৰ্থনা কৰিছিল (Assam CM rebuke Barpeta DC) ৷
লগতে পঢ়ক: আমাক অসুবিধা কৰিলে বিজেপিকো দিল্লীৰ পৰা উৎখাত কৰিম : তেলেংগানাৰ মুখ্যমন্ত্ৰী কে চন্দ্ৰশেখৰ ৰাও
