জনীয়া, ১৬ ফেব্ৰুৱাৰী: ৰাজ্যৰ একাংশ বিদ্যালয়ত এতিয়া মধ্যাহ্ন ভোজনৰ নামত এখন নাটক আৰম্ভ হৈছে । কোনোবাখন বিদ্যালয়ত যদি সপ্তাহত দুদিন দিয়ে মধ্যাহ্ন ভোজন একাংশত আকৌ এদিনৰ বাবেও ছাত্ৰ-ছাত্ৰীয়ে নাপাই মধ্যাহ্ন ভোজন । বৰপেটা জিলাৰ এখন প্ৰাথমিক বিদ্যালয়ত আকৌ কৰ'ণা মহামাৰীৰ বাবে দিয়া বিগত বছৰৰ লকডাউনৰ আগতেই দিয়া হৈছিল মধ্যাহ্ন ভোজন । কিন্তু বিদ্যালয় খোলাৰ পৰা ছাত্ৰ-ছাত্ৰীসকল বঞ্চিত হৈ আছে এই ব্যৱস্থাৰ পৰা । বিদ্যালয় খন হৈছে বৰপেটা জিলাৰ মন্দিয়া শিক্ষা খণ্ডৰ অন্তৰ্গত ১২৪০ নং পূৱ সালেকুৰা প্ৰাথমিক বিদ্যালয় । মাত্ৰ তিনিগৰাকী শিক্ষক থকা এই বিদ্যালয়খনত বিভিন্ন অজুহাতত দীৰ্ঘদিন ধৰি দিয়া হোৱা নাই মধ্যাহ্ন ভোজন । কেৱল এয়াই নহয় বিদ্যালয়খনৰ প্ৰধান শিক্ষক সীমান্ত কুমাৰ ওঁজা কেতিয়াও সময়মতে বিদ্যালয় উপস্থিত নথকাৰ অভিযোগ স্থানীয় ৰাইজৰ ।
ইফালে একাংশ লোকে জনোৱা মতে প্ৰধান শিক্ষক গৰাকীয়ে শিক্ষা বিভাগৰ শীৰ্ষ বিষয়ালৈও কোনো গুৰুত্ব নিদিয়ে । নিজৰ ইচ্ছা মতে বিদ্যালয়ত উপস্থিত থাকি বিদ্যালয় পৰিচালনা কৰা প্ৰধান শিক্ষকে এতিয়া শিক্ষাৰ্থীৰ ভৱিষ্যত অন্ধকাৰলৈ ঠেলি দিছে বুলিও অভিযোগ তুলিছে একাংশ লোকে ।
লগতে পঢ়ক:যান-বাহন আইন উলংঘনকাৰীৰ বিৰুদ্ধে কঠোৰ আমগুৰি আৰক্ষী
