জনীয়া,8 জুলাইঃ লক্ ডাউন আৰু বানপানীয়ে জুৰুলা কৰাৰ পিছত এইবাৰ কৃষকৰ ওপৰত তাণ্ডৱ চলাইছে বেকী নৈয়ে ৷ বানৰ প্ৰকোপ হ্ৰাস পোৱাৰ পিছত যোৱা কিছুদিন ধৰি কলগাছিয়া ৰাজহ চক্ৰৰ অন্তৰ্গত খাৰবাল্লী গাঁৱত বেকী নৈৰ গৰাখহনীয়াই ভয়ংকৰ ৰূপ ধাৰণ কৰি শ শ বিঘা মৰাপাট আৰু শালিধানৰ খেতি এইদৰে উছন কৰিছে । ফলত চিন্তাত দিশহাৰা হৈ মূৰে কপালে হাত দিছে নৈপৰীয়া কৃষকে ।
কষ্টেৰে কৰা খেতি এইদৰে নদীৰ বুকত জাহ যোৱাৰ ফলত নাজল-নাথল অৱস্থা হৈছে কৃষক সকলৰ ৷ ইফালে ইমান দুৰ্যোগৰ সময়ত স্থানীয় জনপ্ৰতিনিধি আৰু বৰপেটা জিলাৰ প্ৰশাসনে কোনো খবৰ নোলোৱাৰ অভিযোগ তুলিছে ৰাইজে । লগতে অচিৰেই গৰাখহনীয়া প্ৰতিৰোধ কৰি ক্ষতিপূৰণ দিয়াৰ বাবে দাবী জনাইছে কৃষক ৰাইজে ।
লগতে পঢ়কঃঅখিল গগৈৰ মুক্তি তথা উন্নত চিকিৎসাৰ দাবীত টীয়কত প্ৰতিবাদ