বৰপেটা,২১ মাৰ্চ: বৰপেটা জিলাত নিৰ্বাচনী আচৰণ বিধি বলৱৎ হোৱাৰ পাছৰে পৰা ফ্লায়িং স্কোৱাড, এছ এছ টি আৰু আৰক্ষীৰ অভিযানত প্ৰায় ১ কোটি টকা জব্দ কৰা হৈছে । নিৰ্বাচনী প্ৰক্ৰিয়াত অবৈধ ধনৰ লেনদেন আৰু নিচাযুক্ত সামগ্ৰীৰ প্ৰভাৱ ৰোধ কৰাৰ বাবে নিৰ্বাচন আয়োগৰ বিধি অনুযায়ী বৰপেটা জিলাত ১,০৫,৯৯,৮৬৯ টকা জব্দ কৰা হৈছে ৷ বৰপেটাৰ জিলা উপায়ুক্ত মুনীন্দ্ৰ শৰ্মাই দেওবাৰে উপায়ুক্ত কাৰ্যালয়ত এখন সংবাদমেলত আয়োজন কৰি প্ৰকাশ কৰে এই কথা ৷
মুনীন্দ্ৰ শৰ্মাই প্ৰকাশ কৰা অনুসৰি বৰপেটা বিধানসভা সমষ্টিত ৪১ লাখ টকা, সৰভোগ সমষ্টিত ৩০ লাখ, চেঙাত ১৮ লাখ, সৰুক্ষেত্ৰীত ১১ লাখ, জনীয়াত প্ৰায় ৩ লাখ আৰু বাঘবৰত ১ লাখ টকা জব্দ কৰা হৈছে ৷ ইয়াৰ উপৰিও এই কেইদিনৰ ভিতৰত জিলাখনত ২৬,৬৮৯ লিটাৰ চুলাই মদ, ৮২১ লিটাৰ দেশত নিৰ্মিত বিদেশী সুৰা, ১২৩ কেজি ভাঙ, ৮১ গ্ৰাম ব্ৰাউন চুগাৰ আৰু হাজাৰোধিক নিচাযুক্ত টেবলেট জব্দ কৰা হৈছে ৷ ইপিনে নিৰ্বাচনী কাম-কাজ নিৰীক্ষণ কৰাৰ বাবে চেনিট্ৰেল অৱজাৰভাৰে জিলাখনত বাহৰ পতাৰ লগতে নিৰ্বাচনৰ বাবে যাৱতীয় সকলো প্ৰস্তুতি চলাই থকা বুলিও জানিবলৈ দিয়ে উপায়ুক্তগৰাকীয়ে ৷
লগতে পঢ়ক : কংগ্ৰেছৰ চৰকাৰ হোৱাটো অলীক কল্পনা: পীযুষ হাজৰিকা
