বৰপেটা,১৬ মাৰ্চ: বৰপেটাত অব্যাহত আছে নিষিদ্ধ ড্ৰাগছৰ অবৈধ বেহা ৷ জিলাখনত ক্ৰমাৎ বৃদ্ধি পাইছে ড্ৰাগছৰ ৰমৰমীয়া ব্যৱসায় ৷ বৰপেটাত ড্ৰাগছ ব্যৱসায়ীৰ বিৰুদ্ধে পুনৰ অভিযান চলাইছে বৰপেটা আৰক্ষীয়ে ৷ ক্ৰমাৎ অপৰাধীৰ ৰম্যভূমিত পৰিণত হোৱা বৰপেটাত সোমবাৰে নিচাযুক্ত টেবলেটসহ আটক হ'ল এজন ড্ৰাগছ ব্যৱসায়ী ৷
ড্ৰাগছ'ৰ বিৰুদ্ধে অভিযান বৰপেটা আৰক্ষীৰ
বৰপেটা সদৰ থানাৰ ভাৰপ্ৰাপ্ত আৰক্ষী বিষয়া তপন মেধিৰ নেতৃত্বত খাৰুৱাপাৰা গাঁৱত অভিযান চলাই বৃহৎ পৰিমানৰ নিচাযুক্ত টেবলেটসহ আটক কৰে এজন ড্ৰাগছ ব্যৱসায়ী ৷ ধৃত ড্ৰাগছ ব্যৱসায়ীজন খাৰুৱাপাৰা গাঁৱৰ জিন্নত খাঁ ৷ বৰপেটা আৰক্ষীয়ে ড্ৰাগছ ব্যৱসায়ীজনক আটক কৰাৰ পিচতে বৰপেটা আদালতত হাজিৰ কৰাত আদালতে যুৱকজনক ন্যায়িক জিম্মালৈ প্ৰেৰণ কৰে।
