বৰপেটা,১৬ এপ্ৰিলঃ ৰাজ্যৰ চৌদিশে এতিয়া ব'হাগৰ আনন্দ। আনন্দৰ মাজতে পহিলা ব'হাগৰ দিনটোত অভিনেত্ৰী চেতনা দাসে লাভ কৰে বৰপেটা বঁটা। বৰপেটা ছাত্ৰ সন্থাই ২০১৯ বৰ্ষৰ বাবে এই বৰপেটা বঁটা প্ৰদান কৰে অসমীয়া চলচ্চিত্ৰ জগতৰ জনপ্ৰিয় অভিনেত্ৰী গৰাকীক। অভিনেত্ৰীগৰাকীক 'বৰপেটা বঁটা'ৰ সৈতে এখন অংগবস্ত্ৰ, জাপি, শৰাই, প্ৰশস্তি পত্ৰ আৰু নগদ ১০ হাজাৰ টকা আৰু স্মাৰক প্ৰদান কৰে বৰপেটা ছাত্ৰ সন্থাই। উল্লেখযোগ্য যে, আধ্যাত্মিকতা, সাহিত্য-সংস্কৃতি, গৱেষণা, ক্ৰীড়া, উদ্ভাৱনা, শিক্ষা আদি বিভিন্ন ক্ষেত্ৰলৈ অনবদ্য অৱদান আগবঢ়োৱা ৰাজ্যখনৰ বিশিষ্ট ব্যক্তি সকলক নিৰ্বাচিত কৰি বৰপেটা আঞ্চলিক ছাত্ৰ সন্থাই ২০১৩ বৰ্ষৰ পৰাই প্ৰদান কৰি আহিছে এই বৰপেটা বঁটা ৷
জনপ্ৰিয় অভিনেত্ৰী চেতনা দাসলৈ 'বৰপেটা বঁটা '
