গোৰেশ্বৰত আটক চাৰি সন্দেহজনক বাংলাদেশী

গুৱাহাটী দিশৰ পৰা আহি থকা AS-25DC-2074 নম্বৰৰ বাহনখন সন্দেহ হোৱাত ছাত্ৰ সন্থাৰ কৰ্মী সকলে মহৰিপাৰাত আবদ্ধ কৰি সোধ-পোচ কৰাত কোনো সুদুত্তৰ নাপাই লোক কেইজনৰ পৰা ৷

তামুলপুৰ, 14 ছেপ্টেম্বৰ: তামুলপুৰৰ গোৰেশ্বৰত আবদ্ধ সন্দেহজনক বাংলাদেশী নাগৰিক ৷ তামুলপুৰ মহকুমাৰ অন্তৰ্গত গোৰেশ্বৰৰ মহৰিপাৰাত শুকুৰবাৰে নিশা প্ৰায় 9 বজাত এখন মাল কঢ়িওৱা বাহনসহ চাৰি গৰাকী সন্দেহজনক নাগৰিকক আবদ্ধ কৰে উত্তৰ বেতনা আঞ্চলিক ছাত্ৰ সন্থাই ৷ গুৱাহাটীৰ দিশৰ পৰা আহি থকা AS-25DC-2074 নম্বৰৰ বাহনখন সন্দেহ হোৱাত ছাত্ৰ সন্থাৰ কৰ্মীসকলে মহৰিপাৰাত আবদ্ধ কৰি সোধ-পোচ কৰাত কোনো সুদুত্তৰ নাপাই লোক কেইজনৰ পৰা ৷ ৰাষ্ট্ৰীয় নাগৰিক পঞ্জীত নাম প্ৰকাশ নোপোৱাৰ কথা উল্লেখ কৰাৰ লগতে তামুলপুৰৰ ভোলাজাৰ গাঁৱত ঘৰ নিৰ্মাণৰ বাবে নিশা ঘৰ বনোৱা সামগ্ৰীসহ আহি থকা বুলি প্ৰকাশ কৰে নাগৰিক কেইজনে ৷ ছাত্ৰ সন্থাৰ কৰ্মীসকলে লোক কেইজন বাংলাদেশী নাগৰিক বুলি সন্দেহ কৰি গটাই দিয়ে গোৰেশ্বৰ আৰক্ষী থানাত ৷ সম্প্ৰতি নাগৰিক কেইজনক জেৰা অব্যাহত ৰাখিছে গোৰেশ্বৰ আৰক্ষীয়ে ৷