বৰমা,২৩ অক্টোবৰঃ বিটিচিৰ ২১ নং শালবাৰী পৰিষদীয় সমষ্টিৰ ইউ.পি.পি.এল দলৰ প্ৰাৰ্থী বিনোদ মোছাহাৰীয়ে শুকুৰবাৰে দলীয় যোগদান কাৰ্য্যসূচীত অংশগ্ৰহণ কৰে ৷ বিনোদ মোছাহাৰীয়ে উল্লেখ কৰে যে, পৰিবৰ্তনৰ স্বাৰ্থত বিটিএডিৰ ৰাইজে ইউ.পি.পি.এল দলত যোগদান কৰিছে ৷
বিপিএফ দলক সমালোচনা কৰি তেঁও কয় যে, ১৫ বছৰে বিপিএফ দলে ৰাইজৰ কাৰণে একো নকৰিলে ৷ বিটিআৰ চুক্তিৰ সৰ্ন্দভত মোছাহাৰীয়ে মত প্ৰকাশ কৰিছে যে, বিপিএফ দলে এই চুক্তিত একো নাই বুলি কোৱা কথাটো হাস্যকৰ; কিয়নো হাগ্ৰামা মহিলাৰীয়ে এই চুক্তিত প্ৰত্যক্ষ সাখী আছিল ৷
এই চুক্তিয়ে বিটিএডিৰ সকলো ৰাইজকে আশাৰ সঞ্চাৰ কৰিব বুলিও কয় ৷ এই শান্তি চুক্তিয়ে জাতি ধৰ্ম নিৰ্বিশেষে সম অধিকাৰ দিব বুলিও কয় বিনোদ মোছাহাৰীয়ে ৷ আজি যোগদান কাৰ্য্যসূচীত কেইবাটাও দল সংগঠনৰ পৰা কেইবাজনো যুৱকে ইউ পি পি এল দলত যোগদান কৰে ৷
লগতে পঢ়কঃ অন্ত পৰা নাই কমলনাথ-ইমাৰ্তী দেৱীৰ ঠাট্টাৰ ৰাজনীতি