স্পৰ্টছ ডেস্ক, 3 জুনঃ দেশৰ সৰ্বোচ্চ ক্ৰীড়া সন্মান ৰাজীৱ গান্ধী খেল ৰত্ন পুৰস্কাৰৰ বাবে নিজৰ নাম মনোনীত হোৱাক লৈ আনন্দ প্ৰকাশ ভাৰতীয় মহিলা হকী দলৰ অধিনায়ক ৰানী ৰামপালৰ । বুধবাৰে এই পুৰস্কাৰৰ বাবে মনোনীত হ'বলৈ পাই অভিভূত হোৱা বুলি উল্লেখ কৰে খেলুৱৈগৰাকীয়ে ।
পদ্মশ্ৰী প্ৰাপ্ত খেলুৱৈগৰাকীয়ে এক বিবৃতি প্ৰকাশ কৰি কয়,প্ৰতিষ্ঠিত ৰাজীৱ গান্ধী খেল ৰত্ন পুৰস্কাৰৰ বাবে মনোনীত হোৱাত নিজকে গৌৰাম্বিত অনুভৱ কৰিছো । হকী ইণ্ডিয়াই মোৰ নাম মনোনীত কৰাৰ বাবে অধিক সুখী অনুভৱ কৰিছো । তেওঁলোকৰ ধাৰাবাহিক সমৰ্থনে মোৰ লগতে দলটোক ভাল প্ৰদৰ্শন কৰাৰ বাবে প্ৰেৰণা যোগায় ।
হকী ইণ্ডিয়াই ৰানী ৰামপালক খেল ৰত্ন আৰু বন্দনা কটাৰিয়া,মনিকা আৰু হৰমনপ্ৰীত সিঙক অৰ্জুন বঁটা পুৰস্কাৰৰ বাবে মনোনীত কৰিছে । ক্ৰীড়া মন্ত্ৰণালয়ৰ নিৰ্বাচন সমিতিৰ দ্বাৰা বিজয়ী প্ৰাৰ্থীক নিৰ্বাচিত কৰাৰ পাচতেই ৰাষ্ট্ৰীয় ক্ৰীড়া দিৱসৰ দিনা প্ৰদান কৰা হ'ব এই সমূহ বঁটা ।
লগতে চাওকঃ ৰৱীশ কুমাৰক ফিনলেণ্ডৰ পৰৱৰ্তী ভাৰতীয় ৰাষ্ট্ৰদূত হিচাপে নিযুক্ত
