স্প’ৰ্টছ ডেস্ক, ২৩ ডিচেম্বৰ: "বিৰাট কোহলীৰ অধিনায়কত্ব সন্দৰ্ভত বাছনি সমিতিৰ অধ্যক্ষৰ পৰিৱৰ্তে সৌৰভ গাংগুলীয়ে ব্যক্তিগত মতামত আগবঢ়োৱা অনুচিত । তেওঁ এই মতামতে এতিয়া বিতৰ্কৰ সৃষ্টি কৰিছে । এই বিষয়ত গাংগুলীয়ে ব্যক্তিগত মতামত আগবঢ়োৱাৰ কোনো প্ৰয়োজন নাছিল" । বিচিচিআইৰ অধ্যক্ষ সৌৰভ গাংগুলীক এইদৰে সমালোচনা কৰে ভাৰতৰ প্ৰাক্তন অধিনায়ক তথা নিৰ্বাচক মণ্ডলীৰ অধ্যক্ষ দিলীপ ভেংচৰকাৰে (Dilip Vengsarkar on Virat-Ganguly controversy) ।
উল্লেখ্য যে, দক্ষিণ আফ্ৰিকালৈ যোৱাৰ পূৰ্বে বিৰাট কোহলীয়ে সংবাদমেল সম্বোধন কৰি স্পষ্ট কৰি দিছিল যে, টী-২০ ৰ অধিনায়কৰ পদ ত্যাগ নকৰিবলৈ বিচিচিআইৰ পৰা কোনেও তেওঁক কোৱা নাছিল । কিন্তু ইয়াৰ পূৰ্বে বিচিচিআইৰ অধ্যক্ষ সৌৰভ গাংগুলীয়ে প্ৰকাশ কৰিছিল যে তেওঁ এই বিষয় সন্দৰ্ভত বিৰাট কোহলীৰ সৈতে আলোচনা কৰিছিল । কিন্তু কোহলীয়ে এই কথা নস্যাৎ কৰে । এতিয়া এই সন্দৰ্ভত দিলীপ ভেংচৰকাৰে গাংগুলীক সমালোচনা কৰি কৈছে যে, বাছনি সমিতিৰ হৈ কথা পাতিবলৈ গাংগুলীৰ কোনো প্ৰয়োজন নাছিল (Dilip Vengsarkar on Sourav Ganguly) ।
তেওঁ কয় যে, গাংগুলী বিচিচিআইৰ অধ্যক্ষ । বাছনি অথবা অধিনায়কত্বৰ বিষয়ৰ যিকোনো সমস্যাৰ বিষয়ে মতামত আগবঢ়াবলৈ হ'লে বাছনি সমিতিৰ অধ্যক্ষ চেতন শৰ্মাই মত প্ৰকাশ কৰিব ।
গাংগুলীয়ে কৈছিল যে, "আমি বিৰাটক টী-২০ অধিনায়কৰ পদ ত্যাগ নকৰিবলৈ অনুৰোধ জনাইছিলো । কিন্তু তেওঁ অধিনায়কৰ দায়িত্বত থাকিব বিচৰা নাছিল । সেয়েহে নিৰ্বাচকসকলে অনুভৱ কৰিছে যে, তেওঁলোকৰ বগা বলৰ ফৰ্মেটত দুজন বগা বলৰ অধিনায়ক থাকিব নোৱাৰে" । ভেংচৰকাৰৰ মতে, খেলুৱৈ বাছনি কৰা অথবা বাদ দিয়াটো কেৱল বাছনি সমিতিৰ ওপৰত নিৰ্ভৰ কৰে । বাছনি সমিতিৰ দ্বাৰা এজন অধিনায়ক বাছনি বা অপসাৰণ কৰা হয় আৰু সেয়া গাংগুলীৰ অধিকাৰ ক্ষেত্ৰ নহয় ।
লগতে পঢ়ক: তেলেংগানাৰ ৰাষ্ট্ৰীয় পৰ্যায়ৰ মাৰ্চিয়েল আৰ্টছ প্ৰতিযোগিতালৈ ৰাওনা অসমৰ খেলুৱৈ
