নিউজ ডেস্ক, 2 জুলাই : টীম ইণ্ডিয়াৰ 'হিটমেন' খ্যাত ৰোহিত শৰ্মা বিশ্বকাপ, 2019 ত সৰ্বাধিক ৰাণ সংগ্ৰহকাৰী হিচাপে পৰিগণিত হৈছে ৷ মঙলবাৰে বাংলাদেশৰ বিৰুদ্ধে অনুষ্ঠিত মেচত 104 ৰাণৰ এক সুন্দৰ ইনিংছ খেলাৰ লগতে আন্তৰাষ্ট্ৰীয় ক্ৰিকেটত 26 সংখ্যক শতক অৰ্জন কৰে ৰোহিতে ৷ অষ্ট্ৰেলিয়াৰ বেটছমেন ডেভিদ ৱাৰ্ণাৰক পিছ পেলাই খেলুৱৈগৰাকীয়ে এই কৃতিত্ব অৰ্জন কৰে ৷ সৰ্বমুঠ 544 ৰাণ সংগ্ৰহ কৰা ভাৰতীয় বেটছমেন গৰাকীয়ে মঙলবাৰে এইবাৰৰ বিশ্বকাপত চতুৰ্থটো শতক অৰ্জন কৰে ৷
32 বৰ্ষীয় বেটছমেন গৰাকীয়ে বাংলাদেশৰ বলাৰ সৌম্যা সৰকাৰৰ বলত উইকেট হেৰুৱায় ৷
