স্পৰ্টছ ডেস্ক, 27 জুলাই : প্ৰথমে পজিটিভ তাৰ পাচত নিগেটিভ । কিন্তু পুনৰ বাৰ কৰ'ণা পজিটিভ ওলাল মহম্মদ হাফিজৰ ফলাফল । এই ফলাফলৰ পাচতেই এতিয়া আন এক বিপদৰ সন্মুখীন হ'ব পাৰে খেলুৱৈগৰাকী । মহম্মদ হাফিজৰ বিৰুদ্ধে বিহিত ব্য়ৱস্থা গ্ৰহণ কৰিব পাৰে পাকিস্তান ক্ৰিকেট ব'ৰ্ডে ।
বুধবাৰে হাফিজে নিজকে নিগেটিভ বুলি কোৱাৰ পাচতেই পাকিস্তান ক্ৰিকেটৰ ব'ৰ্ডৰ দ্বাৰা পুনৰবাৰ কৰোৱা হৈছিল খেলুৱৈগৰাকীৰ কৰ'ণা টেষ্ট । য'ত দ্বিতীয়বাৰৰ বাবে পজিটিভ পোৱা গ'ল খেলুৱৈগৰাকীক । এতিয়া খেলুৱৈগৰাকীৰ ওপৰত পৃথক আৱসগৃহ কক্ষত থাকিবলৈ অস্বীকাৰ কৰা,ব'ৰ্ডৰ আইন ভংগ কৰাৰ বাবে খেলুৱৈৰগৰাকীৰ ওপৰত অনুশাসনমূলক ব্যৱস্থা গ্ৰহণৰ ওপৰত চিন্তা চৰ্চা কৰি থকা হৈছে পাকিস্তান ক্ৰিকেট ব'ৰ্ডৰ ফালৰ পৰা ।
28 জুনত ইংলেণ্ডৰ বিৰুদ্ধে হ'বলগীয়া শৃংখলাৰ বাবে ইংলেণ্ডলৈ উৰা মাৰিব পাকিস্তান ক্ৰিকেট দলটোৱে । তাৰ পূৰ্বে পাকিস্তান ক্ৰিকেট ব'ৰ্ডৰ ফালৰ পৰা শৃংখলাৰ বাবে ঘোষিত 29 গৰাকী খেলুৱৈৰ কৰোৱা হৈছিল কৰ'ণা পৰীক্ষণ । য'ত সোমবাৰে তিনিগৰাকী আৰু মঙলবাৰে সাতগৰাকী খেলুৱৈ মুঠ 10 গৰাকী খেলুৱৈৰ দেহত পোৱা গৈছিল কৰ'ণা ভাইৰাছৰ অৱস্থিতি । যাৰ ভিতৰত অন্তৰ্ভুক্ত আছিল মহম্মদ হাফিজৰ নাম ।
কিন্তু ইয়াৰ এদিন পাচতেই বুধবাৰে মহম্মদ হাফিজে নিজাববীয়াকৈ টেষ্ট কৰোৱাত তেওঁৰ ফলাফল নিগেটিভ অহা বুলি টুইট যোগে উল্লেখ কৰিছিল । যাৰ বাবে পুনৰ ক্ৰিকেট বৰ্ডৰ দ্বাৰা কৰোৱা হয় খেলুৱৈগৰাকীৰ টেষ্ট । যাৰ ফলাফল পুনৰ পজিটিভ পোৱা গৈছে ।
