স্পৰ্টছ ডেস্ক, 1 জুলাই : ক’ভিড-19 ৰ মহামাৰীৰ পাচতেই অহা 8 জুলাইৰ পৰা ইংলেণ্ডত আৰম্ভ হ’ব তিনিখন মেচৰ টেষ্ট শৃংখলা ৷ ঘৰুৱা দলটোৰ মুখামুখি হ’ব কেৰেবিয়ান দল ৱেষ্ট ইণ্ডিজ ৷ কিন্তু জ’ ৰুটৰ অনুৰাগীৰ বাবে আছে এক দুঃখবৰ ৷ ব্যক্তিগত কাৰণত প্ৰথমখন টেষ্টত অংশগ্ৰহণ নকৰে খেলুৱৈগৰাকীয়ে ৷ মঙলবাৰে ইংলেণ্ড এণ্ড ৱেল্ছ ক্ৰিকেট ব’ৰ্ডৰ ফালৰ পৰা সদৰি কৰা হৈছে এই কথা ৷
খেলুৱৈগৰাকী দ্বিতীয়বাৰৰ বাবে পিতৃ হোৱাৰ পাচতেই প্ৰথমখন টেষ্টত অংশ নোলোৱাৰ সিদ্ধান্ত গ্ৰহণ কৰিছে ৷ মঙলবাৰে ইচিবিয়ে তেওঁৰ পত্নীয়ে দ্বিতীয়টো সন্তান জন্ম দিয়াৰ কথা উল্লেখ কৰে ৷ যাৰ বাবে তেওঁৰ অনুৰাগীক খেলুৱৈগৰাকীক দীৰ্ঘদিনৰ অন্তত পুনৰ খেলপথাৰত প্ৰত্যক্ষ কৰিবলৈ অপেক্ষা কৰিব লাগিব দ্বিতীয়খন টেষ্টৰ বাবে ৷
ৰুটৰ অনুপস্থিতিত ইংলেণ্ড দলৰ অধিনায়কৰ দায়িত্ব অৰ্পণ কৰা হৈছে অলৰাউণ্ডাৰ খেলুৱৈ বেন ষ্ট’কছক ৷ আনহাতে সহঃঅধিনায়কৰ ভূমিকাত থাকিব জছ বাটলাৰ ৷ বাটলাৰ ইংলেণ্ড দলৰ সীমিত অভাৰৰো সহঃ অধিনায়ক ৷
ইচিবিয়ে লগতে কয়, পৰিয়াল আৰু হাস্পতলাৰ পৰা প্ৰত্যাৱৰ্তন কৰাৰ পাচতেই ৰুটক সাত দিনৰ বাবে ছেল্ফ আইচ’লেচনত ৰখা হ’ব ৷ 13 জুলাইৰ পৰা হ’বলগীয়া দ্বিতীয়খন টেষ্টৰ পূৰ্বে ইংলেণ্ড দলৰ সৈতে মিলিত হ’ব ৰুট
লগতে চাওক-'ব্লেক লিভছ মেটাৰ' চিহ্নৰ জাৰ্চী পৰিধান কৰিব ৱেষ্ট ইণ্ডিজৰ খেলুৱৈয়ে
