চিটাৰা ডেস্ক, 27 জানুৱাৰী : তামিল ছবি জগতৰ অতিকে জনপ্ৰিয় যুটি সামান্থা আৰু নাগা চৈতন্যৰ ইজনে আনজনৰ পৰা আঁতৰি থকাৰ বাতৰি আজিও সকলোৰে চৰ্চাৰ বিষয় ৷ সামান্থাই নিজৰ একাউণ্টৰ পৰা বিয়াৰ পিছত গ্ৰহণ কৰা উপাধি আঁতৰাই দিয়াৰ পিছতেই সকলোৰে দৃষ্টিলৈ আহিছিল কথাটো ৷ 2017 চনৰ 6 অক্টোবৰত বিবাহ পাশত আবদ্ধ হৈছিল নাগা আৰু সামান্থা ৷ চাৰিবছৰীয়া বৈবাহিক জীৱনৰ যতি পেলাই বিগত বৰ্ষৰ অক্টোবৰ মাহত দুয়োয়ে সম্পৰ্ক শেষ কৰাৰ কথা ঘোষণা কৰিছিল (Samantha and Naga Chaitanya Took Divorce) ৷ লগে লগে সামাজিক মাধ্যমত তোলপাৰ লাগে দুয়োৰে অনুৰাগীৰ মাজত ৷
'ইণ্ডিয়াগ্লিট্জ’ ৰ সৈতে হোৱা এক সাক্ষাৎকাৰত নাগাৰ্জুনে অৱশেষত মুখ খুলিলে পুত্ৰ-বোৱাৰীৰ ডিভোৰ্চক লৈ (Nagarjuna opens about Samatha Naga Divorce) ৷ তেওঁ কয় যে সামান্থাই প্ৰথমে ডিভোৰ্চৰ প্ৰস্তাৱ দিছিল ৷ পুত্ৰ নাগাই মাথোন তেওঁৰ সিদ্ধান্তৰ প্ৰতি সন্মান জনাইছিল ৷ কথাটোৰ আৰম্ভণিতে অৱশ্যে নাগা যথেষ্ট চিন্তিত আছিল পিতৃক লৈ ৷ লগতে পৰিয়ালৰ মান-সন্মানৰ কথা ভাবিও চিন্তাত পৰিছিল নাগা চৈতন্য ৷
নাগাৰ্জুনে লগতে কয় যে নাগা আৰু সামান্থাৰ চাৰিবছৰীয়া বৈবাহিক সম্পৰ্কত তেওঁ কেতিয়াও কিবা অসুবিধা থকাৰ কথা অনুভৱ কৰা নাছিল ৷ সেয়ে প্ৰথমে এই খবৰটোৱে তেওঁক যথেষ্ট আঘাত দিয়াৰ লগতে অবাক কৰি তুলিছিল ৷ দুয়োয়ে আনকি 2021 বৰ্ষৰ আৰম্ভণিতে একলগে নতুন বছৰ উদযাপনৰ কৰাৰ কথা সোঁৱৰে নাগাৰ্জুনে ৷ হয়তো নৱবৰ্ষৰ পিছৰ পৰাই দুয়োৰে মাজত অসুবিধাৰ সৃষ্টি হৈছিল বুলিও আশংকা ব্যক্ত কৰে নাগাৰ্জুনে ৷
লগতে পঢ়ক: Chiranjeevi diagnosed corona positive: দ্বিতীয়বাৰৰ বাবে ক’ৰণাত আক্ৰান্ত চিৰঞ্জীৱী
