গোৱালপাৰা, 11 জানুৱাৰী : সোমবাৰে গোৱালপাৰাত সংঘটিত হয় গুলিচালনাৰ ঘটনা ৷ দুই পৰিয়ালৰ সংঘাতক কেন্দ্ৰ কৰি গুলিচালনাৰ ঘটনা সংঘটিত হয় জিলাখনত ৷
তথ্য অনুসৰি,মাধুৰ্য ৰায় নামৰ লোকজনে একাংশ লোকক উদ্দেশ্যি চহৰখনৰ পুৰণি শ্মশানস্থিত নিজ ঘৰৰ ওপৰৰ পৰা গুলিচালনা কৰাৰ অভিযোগ উত্থাপন হৈছে ৷ মাধুৰ্য ৰায়ৰ দুইনলীয়া বন্দুকৰ গুলিত আহত হয় 6 জনকৈ লোক । আহত লোক কেইজন হ'ল ৰণজিৎ দাস,স্বপন দাস,দীপাংকৰ দাস,বিংকু দাস,মফিদুল শ্বেখ আৰু গিতুমণি দাস (মাইনা) ।
আহতসকলক ততাতৈয়াকৈ গোৱালপাৰাৰ চ'লেছ নাৰ্ছিং হোমত ভৰ্তি কৰোৱা যদিও আটাইকেইজন বৰ্তমান সংকটমুক্ত । জানিব পৰা মতে, চহৰৰ বেলতলাস্থিত দেৱ দাসৰ ঘৰত অনিমেশ ৰয় (মাধু) নামৰ লোকজনে হাতত চোকা অস্ত্ৰ লৈ কোনো নথকা অৱস্থাত ঘৰৰ সকলো টিভিসহ আচবাৱ ভাঙি চুৰমাৰ কৰে । তাৰ পিচতে দেৱ নাথে গাড়ীৰে অনিমেশ(মাধু)ৰ ঘৰ গৈ ওলোৱাত অনিমেশ ৰয়ে(মাধু) নিজৰ দুনলীয়া বন্ধুকটোৰে চাদৰ ওপৰৰ পৰা গুলিচালনা আৰম্ভ কৰে ।
লগতে পঢ়ক : মাত্ৰ দুটা মাহতে অসমত নিবনুৱাৰ হাৰ ৬.৪ শতাংশলৈ বৃদ্ধি
সেই সময়তে অনিমেশৰ গুলিত পাঁচজনকৈ পথচাৰী আহত হয় । লগতে, দেৱ নাথৰ গাড়ীখনো খতিগ্ৰস্ত হয় । ঘটনাস্থলীত আৰক্ষী উপস্থিত হৈ অনিমেশ ৰয়ক গ্ৰেপ্তাৰ কৰি থানালৈ লৈ যায় । লগতে, ঘটনাৰ তদন্ত ইতিমধ্যে আৰম্ভ কৰা বুলিও জানিৱ দিয়ে অতিৰিক্ত আৰক্ষী অধীক্ষকজনে ।
উল্লেখ্য যে, কি কাৰণত দেৱ নাথৰ গৃহ লণ্ডভণ্ড কৰিলে অনিমেশে, কি কাৰনত গুলি চালনা কৰিব লগা হল অনিমেশে সেই বিষয়ে তদন্ত আৰম্ভ কৰা বুলি জানিব দিয়ে । ইপিনে, দেৱ দাসৰ গৃহত কেনেদৰে অনিমেশ ৰয়(মাধু) অত্যাচাৰ চলালে বিতংভাৱে কলে দেৱ দাসৰ পত্নী আৰু মাতৃয়ে । জানিৱ পৰা মতে, অনিমেশ ৰয় (মাধু) এজন গোৱালপাৰা চহৰৰ প্ৰতিষ্ঠিত ঠিকাদাৰ ।
লগতে পঢ়ক : 2021ত অকলেই নিৰ্বাচন খেলাৰ দাবীত অটল বৰপেটা জিলা কংগ্ৰেছ