মৰিয়নী, 2 জুনঃ মৰিয়নীৰ দেৱাশীষ গগৈৰ হত্যাকাণ্ডৰ পিচতে আৰক্ষীয়ে ক্ষীপ্ৰ কৰি তুলিছে তদন্ত প্ৰক্ৰিয়া ৷ মৰিয়নীৰ গাভৰু চাহ বাগিছাত সংঘটিত হোৱা হত্যাকাণ্ডৰ পিচতে আৰক্ষীয়ে আটক কৰিছে চাহ বাগিছাখনৰ পৰিচালকক ৷ মঙলবাৰে নিশাৰ ভাগত মহকুমা আৰক্ষী বিষয়া আৰু মৰিয়নী আৰক্ষীৰ নেতৃত্ব যোৱা এটা দলে আটক কৰে বাগিছাখনৰ দুগৰাকী পৰিচালকক ৷
গাভৰু বাগিছাৰ পৰিচালকক আটক
গাভৰু বাগিচাৰ মুখ্য পৰিচালক জয়দ্বীপ কল আৰু সহ পৰিচালক বলবীৰ সিঙক নিজ বাংলোৰ পৰা আটক কৰে আৰক্ষীয়ে । আছু, আটাছুকে আদি কৰি বিভিন্ন দল সংগঠনে দেৱাশীষ হত্যাকাণ্ডৰ লগত গাভৰু বাগিচাৰ পৰিচালক জড়িত থকাৰ অভিযোগ উত্থাপন কৰি গ্ৰেপ্তাৰ কৰাৰ দাবী জনাই আহিছিল । ইতিমধ্যে দুয়োজন পৰিচালককে আৰক্ষীয়ে সোধাপোছা অব্যাহত ৰাখিছে ।
