শিৱসাগৰ, 8 মে’ : ঢোল, পেঁপা, গগনাৰ মাতত কঁপি উঠিল বিশ্বৰ অন্যতম ধনী চহৰ ডুবাই(Rangali Bihu celebrations in Dubai) ৷ সঁচাকৈয়ে এগৰাকী প্ৰকৃত অসমীয়াক বিহুৰ পৰা আঁতৰত বান্ধি ৰাখিব নোৱাৰে দূৰত্বই ৷ সাত সাগৰ তেৰ নদীৰ সিপাৰে ডুবাইত বাস কৰা প্ৰতিগৰাকী অসমীয়া একত্ৰিত হ’ল এই ব’হাগতে ৷ মন খুলি উদযাপন কৰিলে ৰঙালী বিহু, প্ৰাণ ঢালি নাচিলে এপাক ৷
কৰ্মসূত্ৰে অথবা ব্যৱসায়িক সূত্ৰে ডুবাইত বাস কৰা অসমীয়া লোকসকলে শনিবাৰে একত্ৰিত হৈ উদযাপন কৰে ব’হাগী বিদায় শীৰ্ষক এটি ৰঙীন সন্ধিয়া ৷ ডুবাইৰ কাৰ্লটন পেলেচ হোটেল(Carlton palace hotel dubai)ত অনুষ্ঠিত এই অনুষ্ঠানত বিহু হুঁচৰি আদিৰ লগতে ভালেমান সাংস্কৃতিক কাৰ্যসূচী অনুষ্ঠিত হয় ৷ এই অনুষ্ঠানতে সুৰৰ ৰাগীৰে উপস্থিত দৰ্শকক মতলীয়া কৰে বিশিষ্ট গায়িকা তৰালি শৰ্মাৰ লগতে আন কেইবাগৰাকীও বাছকবনীয়া শিল্পীয়ে ৷
ডুবাইৰ প্ৰবাসী অসমীয়া সমাজে বোপা ককাৰ দিনৰ পৰম্পৰাসমূহ নৱপ্ৰজন্মক চিনাকী কৰাই দিয়াৰ উদ্দেশ্যে আয়োজন কৰে এই বিহুৰ অনুষ্ঠান(Rangali bihu organised by assam association in Dubai)ৰ ৷ অসমীয়া কলা-কৃষ্টিক বিদেশৰ মাটিত প্ৰতিষ্ঠা কৰাটোৱে এই সমাজৰ মুখ্য উদ্দেশ্য ৷ বিদেশৰ মাটিত আয়োজন কৰা এই বিহুক কেন্দ্ৰ কৰি ডুবাইত শনিবাৰে সন্ধিয়া এক উৎসৱমুখৰ পৰিৱেশৰ সৃষ্টি হোৱা দেখা যায় ৷
লগতে চাওক: কলিয়াবৰত জীনা ৰাজকুমাৰীৰ জনগোষ্ঠীয় নৃত্য-গীত পৰিৱেশন
