চিটাৰা ডেস্ক, 5 জুলাই: বৰুণ ধাৱন আৰু জাহ্নৱী কাপুৰ অভিনীত ছবি ‘বাৱাল’ৰ টিজাৰ আজি ৫ জুলাইত মুক্তি লাভ কৰিছে । ইয়াৰ পূৰ্বে বৰুণ ধাৱনে জনাইছিল যে ছবিখনৰ প্ৰথম টিজাৰ ৫ জুলাইত দুপৰীয়া ১২ বজাত মুক্তি পাব । বৰুণ আৰু ছবি নিৰ্মাতাসকলে দিয়া প্ৰতিশ্ৰুতি অনুসৰি ৫ জুলাইত দুপৰীয়া ১২ বজাত মুক্তি লাভ কৰিছে ছবিখনৰ প্ৰথম টিজাৰ । এই ছবিখন পৰিচালনা কৰিছে নিতেশ তিৱাৰীয়ে । এই ছবিখনৰ শ্বুটিং বিশ্বৰ বিভিন্ন দেশত কৰা হৈছে ।
বাৱাল ভাৰতীয় চিনেমাৰ প্ৰথমখন ছবি যিয়ে পেৰিছৰ আইফেল টাৱাৰত প্ৰিমিয়াৰ হ’বলৈ গৈ আছে । একে সময়তে এই ছবিখন ছবিগৃহত মুক্তি লাভ নকৰে ৷ বৰঞ্চ ২০০ৰো অধিক দেশৰ অ’টিটি প্লেটফৰ্মত মুক্তি লাভ কৰিব । একে সময়তে ছবিখনৰ টিজাৰৰ শেষত মুক্তিৰ দিন ঘোষণা কৰা হৈছে ।
আপোনালোকক জনাই দিও যে, সাজিদ নাদিয়াদৱালাই প্ৰযোজনা কৰা বাৱালৰ পৰিচালক নিতেশ তিৱাৰীয়ে ইতিমধ্যে দংগল আৰু ছিছোৰেৰ দৰে জনপ্ৰিয় ছবি উপহাৰ দিছে । বাৱালৰ টিজাৰৰ কথা ক’বলৈ গ’লে নিতেশে পুনৰবাৰ নিজৰ পৰিচালনাৰে হৃদয় জয় কৰিছে ।
ইফালে, জাহ্নৱী কাপুৰে বৰুণ ধাৱনক চৰ মাৰি থকা দেখা গৈছে টিজাৰৰ এটা দৃশ্যত । প্ৰথম দৃষ্টিত ছবিখনে প্ৰেম কাহিনীৰ অনুভৱ দিয়ে যদিও টিজাৰৰ এটা দৃশ্যই আপোনাক জোকাৰি যাব । টিজাৰটোত জাহ্নৱী আৰু বৰুণক বহুত অচিনাকি মানুহৰ সৈতে এটা চেম্বাৰত আৱদ্ধ কৰি ৰখা হৈছে, যিটো দেখিবলৈ যথেষ্ট ভয়ংকৰ দৃশ্য ।
টিজাৰৰ পটভূমিত স্লো মোচনত বাজি থকা গানটোও খুবেই সুন্দৰ । টিজাৰটোত ইউজাৰৰ মিশ্ৰিত প্ৰতিক্ৰিয়া আহি আছে । এজন ব্যৱহাৰকাৰীয়ে লিখিছে, ‘এই ছবিখন ছবিগৃহত মুক্তি পাব লাগে । OTTত মুকলি কৰাটো এটা ভুল সিদ্ধান্ত । আন এজন ব্যৱহাৰকাৰীয়ে লিখিছে, ‘আব হোগা বাৱাল! কি ধাচু টিজাৰ । কিছুমানে টিজাৰটো ভাল পোৱাৰ বিপৰীতে একাংশইও ইয়াৰ ওপৰত নেতিবাচক প্ৰতিক্ৰিয়াও প্ৰদান কৰিছে ।
