চিটাৰা ডেস্ক, 16 আগষ্ট : Life support লৈ আই চি ইউত ভৰ্তি হৈ থকা জনপ্ৰিয় কমেডিয়ান তথা অভিনেতা ৰাজু শ্ৰীবাস্তৱৰ অৱস্থাৰ সামান্য উন্নতি হৈছে বুলি মঙলবাৰে তেওঁৰ বিজনেছ মেনেজাৰে প্ৰকাশ কৰে । বিগত ১০ আগষ্টত হৃদ ৰোগত আক্ৰান্ত হোৱাত শ্ৰীবাস্তৱক সৰ্বভাৰতীয় চিকিৎসা বিজ্ঞান প্ৰতিষ্ঠান (এইমছ)ত ভৰ্তি কৰোৱা হৈছিল । সেইদিনাই ৫৮ বছৰীয়া ষ্টেণ্ডআপ কমেডিয়ানজনৰ এঞ্জিওপ্লাষ্টিও (angioplasty) কৰা হৈছিল ।
"ৰাজুৰ অৱস্থা লাহে লাহে ভাল হৈ আহিছে । চিকিৎসাৰ প্ৰতি সঁহাৰি জনাইছে তেওঁ । স্বাস্থ্যৰ উন্নতি হৈছে আৰু এতিয়া তেওঁ শৰীৰৰ অংগসমূহ অলপ লৰচৰ কৰিব পাৰিব", শিল্পীজনৰ মেনেজাৰ নয়ন ছোনীয়ে এইদৰে কয় । তেওঁ লগতে আৰু কয়, "তেওঁ আই চি ইউত ভেণ্টিলেটৰৰ সহায়ত আছে । চিকিৎসকে জনাইছে যে তেওঁৰ চেতনা ঘূৰি আহিবলৈ প্ৰায় এসপ্তাহ সময় লাগিব" ৷
- " class="align-text-top noRightClick twitterSection" data="
">
যোৱা সপ্তাহত শ্ৰীবাস্তৱৰ পৰিয়ালে তেওঁৰ অফিচিয়েল ইনষ্টাগ্ৰাম পেজত এক বিবৃতি প্ৰকাশ কৰি কয় যে তেওঁৰ অৱস্থা সুস্থিৰ হৈছে ৷ ৰাজুৰ অনুৰাগী সকলক লগতে প্ৰচাৰ হোৱা যিকোনো উৰাবাতৰি/ভুৱা বাতৰিক আওকাণ কৰি চলিবলৈ অনুৰোধ কৰিছিল ।
১৯৮০ চনৰ পৰা মনোৰঞ্জন জগতৰ চিনাকি মুখ হিচাপে পৰিগণিত হোৱা শ্ৰীবাস্তৱে ২০০৫ চনত ৰিয়েলিটী ষ্টেণ্ড-আপ কমেডী শ্ব’ The Great Indian Laughter Challengeৰ প্ৰথম ছিজনত অংশগ্ৰহণ কৰাৰ পিছত খ্যাতি লাভ কৰে ৷ শ্ৰীবাস্তৱে হিন্দী চলচ্চিত্ৰ যেনে Maine Pyar Kiya, Baazigar, Bombay to Goa আৰু Aamdani Atthani Kharcha Rupaiyaৰ ৰিমেকত অভিনয় কৰিছে ।
লগতে পঢ়ক : মোহময়ী অভিনেত্ৰী মনীষা কৈৰালাৰ আজি ৫২ বছৰীয়া জন্মদিন
