চিটাৰা ডেস্ক, 24 অক্টোবৰ : দেৱালীৰ পৱিত্ৰ দিনটোত দক্ষিণ ভাৰতৰ চুপাৰষ্টাৰ ৰজনীকান্তে সোমবাৰে তেওঁৰ অনুৰাগীসকলক দেৱালীৰ শুভেচ্ছা জনায় । বগা কুৰ্তা পিন্ধি ৰজনীকান্তে তেওঁৰ বাসগৃহৰ সন্মুখত সমবেত হোৱা অনুৰাগীসকলক হাত জোকাৰি সম্ভাষণ জনায় (Rajinikanth latest news) ।
অভিনেতাজনে তেওঁৰ অনুৰাগীসকলক সম্ভাষণ জনোৱা ফটো সামাজিক মাধ্যমত ভাইৰেল হৈ পৰিছে আৰু নেটিজেনসকলে তেওঁৰ সৰলতাৰ বাবে প্ৰবীণ তাৰকাগৰাকীক প্ৰশংসা কৰিছে । 'ৰবট' অভিনেতাজনে তেওঁৰ অনুৰাগীসকলক নিৰাশ নকৰিলে যিসকলে তেওঁলোকৰ প্ৰিয় তাৰকাৰ এক আভাস পাবলৈ তেওঁৰ বাসগৃহৰ বাহিৰত বহু সময় ধৰি অপেক্ষা কৰি আছিল ।
টলীউডৰ ‘থালাইভা’ ৰজনীকান্তৰ কথা ক’বলৈ গ’লে তেওঁক কোনো বৰ্ণনাৰ প্ৰয়োজন নাই । বিভিন্ন চৰিত্ৰৰ চিত্ৰায়ণ কৰি প্ৰতিটো চৰিত্ৰকে জীৱন্ত ৰূপত দৰ্শকৰ আগত তুলি ধৰা অভিনেতাজনে তামিল চলচ্চিত্ৰ জগতত নিজৰ এক সুকীয়া পৰিচয় প্ৰতিষ্ঠা কৰিছে । ‘কবালি’, ‘শিৱাজী’, ‘অন্নাট্থে’, আৰু ‘লিংগা’ তেওঁ অভিনয় কৰা অসংখ্য চিনেমাৰ ভিতৰত কিছুমান শ্ৰেষ্ঠ ছবি হিচাপে গণ্য় পাৰি ।
ইফালে, ৰজনীকান্তক শিৱৰ দ্বাৰা পৰিচালিত ‘অন্নাট্থে’ত দেখা গৈছিল, যিয়ে দৰ্শকৰ পৰা মিশ্ৰিত সমালোচনা লাভ কৰিছিল আৰু 2021 চনৰ দেৱালী উপলক্ষে মুক্তি দিয়া হৈছিল ছবিখন ।
তেওঁক পৰৱৰ্তী সময়ত ঐশ্বৰ্য ৰায় বচ্চন, ৰাম্য কৃষ্ণণ, প্ৰিয়ংকা অৰুল মোহন আৰু শিৱ ৰাজকুমাৰৰ সৈতে এখন এক্সন থ্ৰিলাৰ ছবি 'জেইলাৰ'ত দেখিবলৈ পোৱা যাব । নেলছন দিলীপ কুমাৰৰ দ্বাৰা পৰিচালিত এই প্ৰকল্পটোৰ শ্বুটিং ইতিমধ্যে আৰম্ভ হৈছে । আনুষ্ঠানিক মুক্তিৰ তাৰিখ এতিয়াও ঘোষণা কৰা হোৱা নাই । 'জেইলাৰ'ৰ পূৰ্বে ৰজনীকান্ত আৰু ঐশ্বৰ্য ৰায় বচ্চনে "ৰবট"ত একেলগে কাম কৰিছিল যিখন ব্লকবাষ্টাৰ হিট আছিল । এদুয়োৰে অন-স্ক্ৰীণ কেমিষ্ট্ৰী এই ছবিখনত দৰ্শকে খুব পছন্দ কৰিছিল ।
লগতে পঢ়ক :Arijit Singh news: মিডিয়া হৈছে এটা ব্যৱসায় আৰু ইয়াৰ সৈতে মোৰ কোনো ব্যৱসায় নাই, অৰিজিত সিং
