চিটাৰা ডেস্ক, 30 অক্টোবৰ: ডুবাইত বন্ধু-বান্ধৱীৰ সৈতে মালাইকা অৰোৰাই উদযাপন কৰিলে তেওঁৰ জন্মদিন । ইয়াৰ লগতে অভিনেত্ৰীগৰাকীয়ে ইনষ্টাগ্ৰামত এটা ভিডিঅ’ শ্বেয়াৰ কৰে য’ত তেওঁক তেওঁৰ বিশেষ দিনটোত স্কাই ডাইভিং কৰা দেখা গৈছে । ২৩ অক্টোবৰত ৪৮ বছৰ সম্পূৰ্ণ হয় মালাইকা অৰোৰাৰ । এই বিশেষ দিনটো স্মৰণীয় কৰি তুলিবলৈ মালাইকাই ডুবাইত স্কাই ডাইভিং কৰিছিল ।
মালাইকা অৰোৰাই ডুবাইত বন্ধু-বান্ধৱীৰ সৈতে এই বিশেষ দিনটো সুন্দৰকৈ উপভোগ কৰে । ডুবাইত নিজৰ গাৰ্ল গেঙৰ সৈতে মালাইকা অৰোৰাৰ ৪৮ বছৰীয়া জন্মদিনটো অতি সুন্দৰকৈ পাৰ কৰে । শেহতীয়াকৈ মালাইকাই ইনষ্টাগ্ৰামত এটা ভিডিঅ’ শ্বেয়াৰ কৰিছে । য’ত তেওঁক ডুবাইৰ আকাশত উৰি থকা দেখা গৈছে ৷ স্কাইডাইভিং কৰি কেনেকুৱা লাগিল সেই বিষয়ে অভিনেত্ৰীগৰাকীয়ে নিজৰ অভিজ্ঞতা শ্বেয়াৰ কৰে ছ’চিয়েল মিডিয়াত ।
মালাইকাই ভিডিঅ’টোৰ লগতে কেপচন লিখিছে, ‘এটা শক্তিশালী জাম্প ইন ৪৮ ত । মোৰ জন্মদিনত স্কাইডাইভিং কৰাটো পাগলামি আছিল । ইয়াত মই একেবাৰে মুক্ত অনুভৱ কৰি আছিলো । এই কথা সদায় স্মৰণীয় হৈ থাকিব । ’’ লগতে ভিডিঅ’টোত তেওঁক কোৱা শুনা যায়, ‘মোৰ বাবে জন্মদিনৰ নিখুঁত উপহাৰ এয়া ’। ওপৰৰ পৰা ডুবাইৰ দৰ্শনীয় দৃশ্য দেখি আকৃষ্ট হৈ পৰে মালাইকা ৷
ইফালে অভিনেত্ৰীগৰাকীৰ জন্মদিনত প্ৰেমিক অৰ্জুন কাপুৰে মালাইকাৰ সৈতে এখন ৰোমান্টিক ছবি শ্বেয়াৰ কৰে ৷ অৰ্জুনে ফটো শ্বেয়াৰ কৰি লিখিছে, ‘‘হেপি বাৰ্থডে বেবী । আপুনি হাঁহি, সুখ, পোহৰ আনিছে মোৰ জীৱনলৈ আৰু মই সদায় আপোনাৰ লগত আছো ।’’ অৰ্জুন কাপুৰ আৰু মালাইকা অৰোৰা দীৰ্ঘদিন ধৰি প্ৰেমৰ সম্পৰ্কত আছে।
লগতে পঢ়ক: Priyanka Chopra: প্ৰিয়ংকাই প্ৰকাশ কৰিলে তেওঁৰ সফলতাৰ আঁৰৰ তিনিটা মন্ত্ৰ
