চিটাৰা ডেস্ক, 9 অক্টোবৰ: দেওবাৰে সমগ্ৰ দেশতে উদযাপনৰ পৰিৱেশ দেখা পোৱা গৈছিল । ‘বিশ্বকাপ ২০২৩’ৰ পঞ্চমখন খেলত ভাৰতে অষ্ট্ৰেলিয়াক ৬ উইকেটত পৰাস্ত কৰে । টিম ইণ্ডিয়াৰ এই জয়ত বিৰাট কোহলীয়ে গুৰুত্বপূৰ্ণ ভূমিকা পালন কৰিছিল । অনুৰাগীয়ে বিৰাটক অভিনন্দন জ্ঞাপন কৰিছে । কোহলীৰ পত্নী বলীউডৰ অভিনেত্ৰী অনুষ্কা শৰ্মাইও এই বিজয়ত আনন্দ-উল্লাস কৰা দেখা গৈছে ৷
অষ্ট্ৰেলিয়াৰ বিৰুদ্ধে টিম ইণ্ডিয়াৰ জয়ত বিজয় উল্লাস অনুষ্কা শৰ্মাৰ
ছ’চিয়েল মিডিয়াত বিশেষ ধৰণেৰে সুখ প্ৰকাশ কৰিছে অভিনেত্ৰীগৰাকীয়ে । আইচিচিৰ এটা পোষ্ট শ্বেয়াৰ কৰি অভিনেত্ৰীগৰাকীয়ে নীলা ৰঙৰ হৃদয়ৰ ইমোজি শ্বেয়াৰ কৰিছে । এই ছবিখনত বিৰাট কোহলীৰ সৈতে কে এল ৰাহুলক দেখা গৈছে । অনুষ্কাৰ লগতে সমগ্ৰ দেশে টিম ইণ্ডিয়াৰ বিজয় উদযাপন কৰিছে । ছ’চিয়েল মিডিয়াত সকলোৱে বিৰাট কোহলী আৰু টিম ইণ্ডিয়াক জয়ৰ বাবে অভিনন্দন জনাইছে ।
ইফালে দ্বিতীয় বাৰৰ বাবে মাতৃ হ’ব অনুষ্কা শৰ্মা
উল্লেখ্য যে অতি সোনকালে অনুষ্কা শৰ্মা আৰু বিৰাট কোহলীৰ ঘৰত আগমন ঘটিব পাৰে আন এটি কণমানি আলহীৰ ৷ সংবাদ মাধ্যমৰ খবৰ অনুসৰি অনুষ্কা শৰ্মা অন্তঃসত্বা । দ্বিতীয় বাৰৰ বাবে পিতৃ-মাতৃ হ’ব এই দম্পতী । অভিনেত্ৰীগৰাকীৰ গৰ্ভধাৰণৰ খবৰ পোহৰলৈ অহাৰ পাচৰে পৰা অভিনেত্ৰীগৰাকীয়ে বাতৰিৰ শিৰোনাম দখল কৰিছে ৷ অৱশ্যে পুনৰ অন্তঃসত্বা হোৱাৰ সন্দৰ্ভত বিৰাট আৰু অনুষ্কাৰ পৰা এতিয়াও কোনো নিশ্চিতকৰণ দিয়া হোৱা নাই । কিন্তু এই ভাল খবৰটো অতি সোনকালে অনুৰাগীৰ সৈতে শ্বেয়াৰ কৰিব বুলিও অনুমান কৰা হৈছে ।
ইফালে প্ৰথম কন্যাৰ মুখ এতিয়াও দৰ্শকক দেখুওৱা নাই এই দম্পতীয়ে
উল্লেখ্য যে বিৰাট আৰু অনুষ্কাৰ দুবছৰীয়া কন্যা সন্তান আছে, যাৰ নাম বামিকা । অৱশ্যে এই দম্পতীয়ে এতিয়াও নিজৰ কন্যাৰ মুখ বিশ্ববাসীক দেখুৱা নাই । দুয়োগৰাকীয়ে নিজৰ ব্যক্তিগত জীৱনটো ব্যক্তিগতভাৱে ৰাখি ভাল পায় । অভিনেত্ৰীগৰাকীয়ে কন্যাৰ ছবি ক্লিক কৰাৰ বাবে নিষেধ কৰিছে পাপাৰাজীক ।
লগতে পঢ়ক: World Cup 2023 : অষ্ট্ৰেলিয়াৰ বিৰুদ্ধে পাণ্ডিয়াৰ অভ্যাসগত খেল, শতকৰ পৰা বঞ্চিত কে এল ৰাহুল
