চিটাৰা ডেস্ক, 14 জুন : প্ৰভাস আৰু কৃতি সেননৰ অভিনীত বহু প্ৰত্যাশিত ছবি ‘আদিপুৰুষ’ ছবিগৃহত মুক্তি পাবলৈ গৈ আছে । এই ছবিখনক লৈ চৌদিশে চলিছে চৰ্চা ৷ ইফালে পূৰ্ণগতিত চলি আছে ছবিখনৰ এডভান্স বুকিং । ইতিমধ্যে বহু ঠাইত প্ৰথম দিনৰ প্ৰথম শ্ব’ হাউছফুল হৈ গৈছে ৷ এনে পৰিস্থিতিত ‘আদিপুৰুষে’, ‘পাঠান’ আৰু ‘বাহুবলী’ৰ অভিলেখ ভংগ কৰিব পাৰে বুলি অনুমান কৰা হৈছে ৷ কিন্তু আমিৰ খানৰ ছবি ‘দংগল’ৰ বিশ্বব্যাপী সংগ্ৰহৰ অভিলেখ ভংগ কৰিব পাৰিব নে আদিপুৰুষে ?
পাঠান আৰু বাহুবলীয়ে অভিলেখ ভংগ কৰিব নোৱাৰিলে আমিৰ খানৰ ছবিৰ
২০২৩ চনৰ ২৫ জানুৱাৰীত ছবিগৃহত মুক্তি লাভ কৰে শ্বাহৰুখ খানৰ অভিনীত ছবি ‘পাঠান’ । এই ছবিখন মুক্তিৰ পিচতে বক্স অফিচত সৃষ্টি কৰে আলোড়নৰ ৷ কেৱল দেশতে নহয় বিদেশতো বহু ধন উপাৰ্জন কৰে ছবিখনে । কেইবা সপ্তাহ ছবিগৃহত উপাৰ্জন কৰি বলীউডৰ সৰ্বাধিক উপাৰ্জন কৰা ছবি হিচাপে পৰিগণিত হয় দংগল । যদিও ২০১৬ চনত মুক্তি পোৱা আমিৰ খান অভিনীত ছবি ‘দংগল’ৰ বিশ্বব্যাপী সংগ্ৰহৰ অভিলেখ ভংগ কৰাত ‘পাঠান’ সম্পূৰ্ণৰূপে ব্যৰ্থ হয় ।
আনহাতে ভাৰতীয় চিনেমাৰ ইতিহাসৰ মাইলৰ খুঁটি বুলি অভিহিত ‘বাহুবলী’ আৰু ‘বাহুবলী ২’ ছবিয়ে বিশ্বজুৰি বহু উপাৰ্জন কৰিছিল যদিও এই ছবিসমূহেও ‘দংগল’ৰ বিশ্বব্যাপী সংগ্ৰহৰ অভিলেখ ভংগ কৰিব নোৱাৰিলে ৷ বিশ্বজুৰি এই ছবিসমূহৰ উপাৰ্জনৰ কথা ক’বলৈ গ’লে ‘পাঠান’ আৰু ‘বাহুবলী’তকৈ বহু আগবাঢ়ি আছে ‘দংগল’ ।
দংগলে বিশ্বব্যাপি সংগ্ৰহ কৰে - ১৯৬৮.০৩ কোটি টকা
বাহুবলীৰ বিশ্বজুৰি সংগ্ৰহ কৰে - ১,৭৮৮.০৬ কোটি টকা
বাহুবলী ২ য়ে বিশ্বজুৰি সংগ্ৰহ কৰে - ১৩০০ কোটি টকা
পাঠানে বিশ্বজুৰি সংগ্ৰহ কৰে - ১,০৫০.৩ কোটি টকা
আদিপুৰুষে ‘দংগল’ৰ বিশ্বব্যাপী সংগ্ৰহৰ অভিলেখ ভংগ কৰিব পাৰিব নে ?
১৯০০ কোটিৰো অধিক উপাৰ্জন কৰা দংগলে বিশ্বব্যাপী সংগ্ৰহৰ অভিলেখ গঢ়িবলৈ সক্ষম হৈছে ৷ এতিয়ালৈকে কোনো ছবিয়ে দংগলক স্পৰ্শ কৰিব পৰা নাই । ‘দংগল’ চীনতে ১৩০০ কোটি টকা সংগ্ৰহ কৰিছিল । একে সময়তে এই ছবিখনে ঘৰুৱা বক্স অফিচত ৩৮৮ কোটি টকা উপাৰ্জন কৰে। মেগা ব্লক বাষ্টাৰ ছবি পাঠান আৰু বাহুবলীয়ে দংগলৰ বিশ্বব্যাপী সংগ্ৰহত ব্যৰ্থ হৈছিল ৷ এতিয়া প্ৰভাসৰ ‘আদিপুৰুষ’ ছবিখনে ‘দংগল’ৰ এই অভিলেখ ভংগ কৰিবলৈ সক্ষম হ’বনে সেয়া লক্ষণীয় বিষয় হ’ব ৷
লগতে পঢ়ক: Yash As Ravana: ৰামায়ণত ৰাৱণৰ চৰিত্ৰত অভিনয় কৰাৰ প্ৰস্তাৱ নাকচ কৰিলে যশে, ক’লে নাকচ কৰাৰ কাৰণ
