বিজু গগৈৰ পাচত আলফাত যোগদান চাবুৱাৰ যুৱকৰ

পুনৰ এজন অসমীয়া যুৱকে যোগদান কৰিলে আলফাত ৷ চাবুৱাৰ জ্ঞানদ্বীপ বৰপাত্ৰগোঁহাইয়ে আলফাত যোগদান কৰিছে ৷

তিনিচুকীয়া, 7 জানুৱাৰীঃ তিনিচুকীয়া জিলাৰ পেঙেৰীৰ আছু নেতা বিজু গগৈৰ পাচতেই আলফাত যোগদান কৰিলে চাবুৱাৰ এজন যুৱকে ৷ যোৱা চাৰি জানুৱাৰীৰ পৰা নিৰুদ্দেশ হৈ আছিল চাবুৱা বকডুম ভৰলোৱামুখৰ প্ৰবিত্ৰ বৰপাত্ৰগোঁহাইৰ পুত্ৰ জ্ঞানদ্বীপ বৰপাত্ৰগোঁহাই ৷ বহু বিতৰ্কিত নাগৰিকত্ব সংশোধনী আইন অসমত জাপি দিয়াৰ বাবেই চাবুৱাৰ এইগৰাকী যুৱকে আলফা স্বাধীনত যোগদান কৰা বুলি নিশ্চিত কৰিছে সেনাৰ চোৰাংচোৱা বাহিনীয়ে ৷

উল্লেখ্য যে, জ্ঞানদ্বীপ বৰপাত্ৰগোঁহাই আলফা স্বাধীনৰ মুখ্য সেনাধ্যক্ষ পৰেশ বৰুৱাৰ ভটিজাক তথা আলফাৰ দুধৰ্ষ সদস্য মুন্না বৰুৱা ওৰফে ৰূপ অসমৰ অতি ঘনিষ্ঠ বন্ধু ৷ ইতিমধ্যে জ্ঞানদ্বীপৰ পৰিয়ালে নিৰুদ্দেশ সন্দৰ্ভত চাবুৱা থানাত লিখিত অভিযোগ দাখিল কৰিছে ৷

আৰু পঢ়ক : মৃণাল শইকীয়াক শীঘ্ৰেই গ্ৰেপ্তাৰ কৰকঃ আছু