নলবাৰী, 12 ছেপ্টেম্বৰ: নলবাৰীৰ ৰাজপথত এতিয়া বীৰত্ব প্ৰদৰ্শন চলিছে একাংশ পাইকাৰী ব্যৱসায়ীৰ ৷ যান-বাহন আইন উলংঘা কৰি একাংশ পাইকাৰী ব্যৱসায়ীয়ে নিজৰ খেয়াল খুচিমতে জিলা সদৰৰ ভকতপাৰা ৰোডত ১২ চকীয়া আলু ভৰ্ত্তি ট্ৰাক ৰখাই ৰাজপথত একপ্ৰকাৰ বীৰত্ব দেখুৱাইছে (Wholesalers in Nalbari disobeying Traffic rules) ৷ যাৰ ফলত যাতায়াতত অসুবিধাৰ সৃষ্টি হৈছে সাধাৰণ নাগৰিকৰ (Heavy traffic in Nalbari)৷
অভিযোগ মতে, দৈনিক এনেদৰে ভকতপাৰা ৰোডৰ লগতে এন টি ৰোডত পুৱা প্ৰায় এঘাৰ বজালৈ সামগ্ৰী আনল’ড কৰাৰ নামত এনেদৰে ট্ৰাক ৰখাই থোৱা হয় (Violation of traffic rules in Nalbari) ৷ ফলত পথচাৰীৰ যাতায়াতৰ ক্ষেত্ৰত যথেষ্ট আহুকালৰ সৃষ্টি হোৱাৰ অভিযোগ উঠিছে ৷ আনকি উক্ত পথটোত পাইকাৰী ব্যৱসায়ী সকলৰ সামগ্ৰী আনল’ড কৰাৰ সময়ত একপ্ৰকাৰ পথ সমুহ বন্ধ হৈ পৰাত স্কুলীয়া ছাত্ৰ-ছাত্ৰীৰ লগতে চৰকাৰী কৰ্মচাৰী সকলে সময়ত কৰ্তব্যস্থলীলৈ গৈ নোপোৱাৰ অভিযোগ কৰে ৷
ইপিনে যান-বাহন আইন অনুসৰি ৰাতিপুৱা আঠ বজাৰ পিছত চহৰৰ ভিতৰত কোনো ধৰণৰ ট্ৰাক সোমাই যান-জঁটৰ সৃষ্টি কৰিব নোৱাৰে ৷ কিন্তু যান-বাহন আইন উলংঘা কৰি নলবাৰীৰ একাংশ পাইকাৰী ব্যৱসায়ীয়ে এনেদৰে চলাই গৈছে বীৰত্ব ৷ তাৰ পিছতো নিৰৱ নলবাৰী যান-বাহন আৰক্ষী ৷
