বিধায়ক অশোক শৰ্মাক কাষত লৈ মনোনয়ন দাখিল জয়ন্ত মল্ল বৰুৱাৰ

বিধায়ক অশোক শৰ্মাক কাষত লৈ নলবাৰী উপায়ুক্তৰ কাৰ্যালয়ত মনোনয়ন দাখিল বিজেপি প্ৰাৰ্থী জয়ন্ত মল্ল বৰুৱাৰ ৷ এই মনোনয়নৰ পূৰ্বে অনুষ্ঠিত এক সভাত মঞ্চ ভাঙি পৰাত এক হাহাকাৰ পৰিস্থিতিৰ সৃষ্টি হয় ৷

নলবাৰী,10 মাৰ্চ: 1 এপ্ৰিলত অনুষ্ঠিত হ'বলগা দ্বিতীয় পৰ্যায়ৰ বিধানসভা নিৰ্বাচনৰ বাবে নলবাৰী বিধানসভা সমষ্টিৰ প্ৰাৰ্থী জয়ন্ত মল্ল বৰুৱাই আজি মনোনয়ন দাখিল কৰে । ইফালে মনোনয়নৰ পূৰ্বে নলবাৰী মহাবিদ্যালয়ত এখন সভা অনুষ্ঠিত হয় । সভাত অংশগ্ৰহণ কৰে নেডাৰ আহ্বায়ক তথা মন্ত্ৰী হিমন্ত বিশ্ব শৰ্মা, সাংসদ তথা ৰাষ্ট্ৰীয় সাধাৰণ সম্পাদক দিলীপ শইকীয়াকে ধৰি কেইবাগৰাকীও নেতাই ।

ইফালে সভাত হিমন্ত বিশ্ব শৰ্মাই এইবেলি নিৰ্বাচনত জয়ন্ত মল্ল বৰুৱাই নলবাৰীত প্ৰায় এক লাখ বিশ হাজাৰ ভোটত জয়ী হ'ব বুলি মন্তব্য কৰে । আজিৰ এই সভাত যথেষ্ট সংখ্যক সমৰ্থক উপস্থিত থাকে । ইফালে সকলো মঞ্চত উপৱিষ্ট হৈ থকাৰ সময়তে মঞ্চ ভাঙি পৰাত হাহাকাৰ পৰিস্থিতিৰ সৃষ্টি হয় ৷

লগতে পঢ়ক : পদুলিয়ে পদুলিয়ে নহয় ৰাইজৰ হৃদয়লৈ যাব বিজেপি: হিমন্ত বিশ্ব শৰ্মা