নগাঁও, 13 ছেপ্তেম্বৰ : ৰাজ্যত বৃদ্ধি পাইছে অত্যাৱশ্যকীয় সামগ্ৰীৰ মূল্য ৷ শুকুৰবাৰে নগাঁৱৰ পাইকাৰী বজাৰত ই টি ভি ভাৰতে চলোৱা এক অনুসন্ধানত এই তথ্য পোহৰলৈ আহিছে ৷ নগাঁৱৰ পাইকাৰী বজাৰত প্ৰতি কেজি পিয়াঁজ 35 - 37 টকাত বিক্ৰী কৰা বুলি মূল্য তালিকাত উল্লেখ আছে যদিও অধিক মূল্যত বিক্ৰী হোৱাৰ অভিযোগ উত্থাপন হৈছে ৷ কিন্তু একেটা স্থানতে আকৌ 40 টকাতো বিক্ৰী কৰা হৈছে পিয়াঁজ ৷
ৰাজ্যত বৃদ্ধি পিয়াঁজৰ মূল্য
একাধিক খুচুৰা দোকানত আকৌ 50 টকালৈকে প্ৰতি কেজি পিয়াঁজ বিক্ৰী হোৱাৰ অভিযোগো উত্থাপন হৈছে ৷ মুঠৰ ওপৰত যোগান বিভাগৰ নিয়ন্ত্ৰণ নোহোৱা হৈ পৰিছে বজাৰত । ইয়াৰোপৰি, একাংশ ব্যৱসায়ীয়ে গোপন স্থানত বৃহৎ পিয়াঁজ মজুত ৰাখি মূল্যবৃদ্ধি কৰাৰো অভিযোগ উত্থাপন হৈছে ৷
