কলিয়াবৰ, 1 ফেব্ৰুৱাৰী : সামৰণি পৰিল শ্ৰীমন্ত শংকৰদেৱ সংঘৰ কলিয়াবৰ জিলা শাখাৰ ত্ৰিশ সংখ্যক বাৰ্ষিক অধিৱেশন (Annual conference of Kaliabor district Sankardev Sangha concludes)। বিগত তিনিদিন ধৰি হৰিগুণ-নাম কীৰ্তন ধ্বনিৰে ধৰাৰ কল্যাণৰ অৰ্থে হৰিনামৰ অমিয়া ৰসেৰে মুখৰিত হৈ আছিল কলিয়াবৰৰ নলতলি ধৰমপুৰ সোণাৰীহোলা হৰিনামঘৰ ৷ ভকত-বৈষ্ণৱৰ সমাগমেৰে, সমাজক ধৰ্মীয় বান্ধোনেৰে শান্তি-সম্প্ৰীতিৰ ধাৰা বোৱাই একত্ৰিত কৰাৰ আহ্বানেৰে শনিবাৰৰ পৰা তিনিদিনীয়াকৈ অনুষ্ঠিত হৈছিল শ্ৰীমন্ত শংকৰদেৱ সংঘৰ কলিয়াবৰ অধিৱেশন ৷
সোমবাৰে অধিৱেশনৰ অন্তিম দিনা অধিৱেশনস্থলীত ৰাজ্যৰ স্বাস্থ্যমন্ত্ৰী কেশৱ মহন্ত উপস্থিত থাকি (Health Minister Keshab Mahanta at Kaliabor) শ্ৰীমন্ত শংকৰদেৱ সংঘই অসমৰ সমাজ জীৱনলৈ আগবঢ়োৱা মহান অৱদানৰ বিষয়ে উল্লেখ কৰে । তদুপৰি, কলিয়াবৰ জিলা শাখাৰ সকলো কাৰ্যতে সহায়-সহযোগিতা আগবঢ়োৱাৰ প্ৰতিশ্ৰুতি দিলে মন্ত্ৰীগৰাকীয়ে ।
ইফালে অধিৱেশনৰ অন্তিমদিনা এক আকৰ্ষণীয় ভাগৱত শোভাযাত্ৰা উলিওৱা হয় ৷ লগতে বিয়লিৰ ভাগত এখন মুকলি সভা আয়োজন কৰাৰ লগতে নিশাৰ ভাগলৈ "কুমৰ হৰণ" অংকীয়া ভাওনাখন প্ৰদৰ্শন কৰা হয় ৷
লগতে পঢ়ক : #Budget2022 : ক্ৰিপ্ত কাৰেঞ্চিৰ আয়ৰ ওপৰত থাকিব ৩০ শতাংশ কৰ
