গুৱাহাটী, 26 ডিচেম্বৰ : মহানগৰীত সঘনাই সংঘটিত হৈছে হত্যাকাণ্ডৰ ঘটনা । দেওবাৰে পুনৰ মহানগৰীত সংঘটিত হয় এক চাঞ্চল্যকৰ হত্যাকাণ্ড (Sensational murder in Guwahati) । দেওবাৰে পুৱা মহানগৰীৰ ভাস্কৰ নগৰৰ পথৰ দাঁতিত এজন যুৱকৰ মৃতদেহ উদ্ধাৰ হয় (Deadbody recovered in Guwahati)। যুৱকজনৰ মৃতদেহৰ বহু ঠাইত আঘাতৰ চিন দেখিবলৈ পোৱা গৈছে ।
আনকি যুৱকজনৰ সোঁ চকুত গুলীওৱাৰ আঘত স্পষ্ট হৈ পৰিছে ৷ কোনো দুৰ্বৃত্তই গুলীয়াই যুৱকজনৰ সোঁ চকুত আঘাত কৰি পথৰ দাঁতিত পেলাই থৈ যায় বুলি স্থানীয় লোকে সন্দেহ প্ৰকাশ কৰিছে(Murder in Guwahati) ৷ পৰৱৰ্তী সময়ত ঘটনাস্থলীত মহানগৰীৰ আৰক্ষী উপস্থিত হৈ যুৱকজনৰ মৃতদেহ উদ্ধাৰ কৰে(Deadbody recovered by Guwahati Police) ৷
মৃতদেহটো মহানগৰীৰ উজানবজাৰৰ বাসিন্দা লাচিত বৰ্মন বুলি চিনাক্ত কৰে মহানগৰীৰ আৰক্ষীয়ে ৷ লগতে ক্ষত-বিক্ষত অৱস্থাত উদ্ধাৰ হোৱা যুৱকজনৰ বয়স 25 ৰ পৰা 30 বছৰৰ ভিতৰত বুলি জানিব পৰা গৈছে ৷ ইতিমধ্যে আৰক্ষীয়ে ঘটনা সন্দৰ্ভত তদন্ত অব্যাহত ৰাখিছে ৷
উল্লেখ্য যে, বিগত কেইটামান মাহত গুৱাহাটী মহানগৰীত উদ্বেগজনকভাৱে বৃদ্ধি পাইছে হত্যাৰ ঘটনা (Murder cases in Guwahati city) ৷ আৰক্ষীয়ে নিৰাপত্তা ব্যৱস্থা কটকটীয়া কৰা বুলি দাবী জনাই আহিছে (Security system in Guwahati) যদিও তাৰ মাজতো এইদৰে সঘনাই সংঘটিত হৈ থকা হত্যাৰ ঘটনাই চিন্তিত কৰি তুলিছে মহানগৰবাসীক ৷
লগতে পঢ়ক : ISJK terrorist killed in encounter : অনন্তনাগত নিহত ISJK সন্ত্ৰাসবাদী
