গুৱাহাটী ৰে’লৱে ষ্টেচনত সোণ সহ গ্ৰেপ্তাৰ এজন

গুৱাহাটী ৰে’লৱে আৰক্ষীৰ নিয়মীয়া তালাচীত গ্ৰেপ্তাৰ সোণৰ বিস্কুট সহ এজন পশ্চিমবংগৰ লোক ৷ ত্ৰিপুৰা সুন্দৰী এক্সপ্ৰেছৰ পৰা গ্ৰেপ্তাৰ লোকজন ৷

গুৱাহাটী, 24 জানুৱাৰীঃ ৰাজ্যত অব্যাহত আছে চোৰাং সৰবৰাহ কাৰ্যসূচী ৷ শুকুৰবাৰে গুৱাহাটী ৰে’লৱে ষ্টেচনত সোণৰ বিস্কুট সহ গ্ৰেপ্তাৰ হ’ল এজন সৰবাৰহকাৰী ৷

গ্ৰেপ্তাৰ পশ্চিমবংগৰ প্ৰহ্লাদ কুমাৰ দাস

গুৱাহাটী ৰে’ল আৰক্ষীয়ে নিয়মীয়া তালাচী অভিযানত নামনিমুৱা ত্ৰিপুৰা সুন্দৰী এক্সপ্ৰেছ ৰে’লৰ কোচ নম্বৰ A-2 ৰ 20 নম্বৰ চিটৰ পৰা প্ৰহ্লাদ কুমাৰ দাস (পশ্চিমবংগ) নামৰ লোকজনৰ পৰা প্ৰায় 700 গ্ৰাম ওজনৰ সোণৰ 12 খন বিস্কুট জব্দ কৰিবলৈ সক্ষম হয় ৰে’ল আৰক্ষীয়ে ।

জানিব পৰা মতে, জব্দ কৰা সোণৰ বিস্কুটৰ কেইটাৰ আনুমানিক বজাৰ মূল্য হ’ব প্ৰায় 30 লাখ টকা । ৰে’ল আৰক্ষীয়ে জানিবলৈ দিয়া মতে, উক্ত সোণৰ বিস্কুট কেইখন ত্ৰিপুৰাৰ পৰা নিউ জালপাইগুৰি লৈ যোৱাৰ চেষ্টা চলোৱা হৈছিল ৷ বৰ্তমান এই সম্পৰ্কে এক নিজাববীয়া গোচৰ ৰুজু কৰি তদন্ত আৰম্ভ কৰিছে ৰে’ল আৰক্ষীয়ে ।

• লগতে চাওক- চূড়ান্ত অভাৰৰ সৰ্বশ্ৰেষ্ঠ বলাৰ জছপ্ৰীত বোমৰাহঃ টেইলৰ