নিউজ ডেস্ক, 22 ডিচেম্বৰ : লখিমপুৰৰ নাৰায়ণপুৰত দ্ৰুতবেগী ডাম্পাৰে এজন বাইক আৰোহীক মহতিওৱাৰ ফলত এজন লোক নিহত হয় ৷ অতি সংকটজনক অৱস্থাত আঘাতপ্ৰাপ্ত ব্যক্তিজনক চিকিৎসাৰ বাবে প্ৰেৰণ কৰা হয় যদিও চিকিৎসালয়তে ব্যক্তিজনে মৃত্যুক সাৱটি লয় ৷ এই পৰ্যন্ত নিহত ব্যক্তিজনৰ পৰিচয় লাভ কৰিবলৈ সক্ষম হোৱা নাই ৷
ৰাজ্যৰ দুটাকৈ স্থানত পথ দুৰ্ঘটনা
আনহাতে, মহানগৰীৰ ফৰেষ্ট স্কুলৰ 37 নং ৰাষ্ট্ৰীয় ঘাইপথত সংঘটিত এক শোকাৱহ পথ দুৰ্ঘটনাত এজন লোক থিতাতে নিহত হয় ৷ ব্যক্তিজন জালুকবাৰীৰ পৰা বৰঝাৰ বিমানবন্দৰ অভিমুখে আহি থকা অৱস্থাত পিছফালৰ পৰা এখন তীব্ৰবেগী ত্ৰেভেলাৰে খুন্দিয়ায় ৷ ফলত থিতাতে নিহত হয় গুৱাহাটী ৰে'লৱে কলনীৰ বাসিন্দা প্ৰণৱ দাস । ঘটনাস্থলীত জালুকবাৰী যানবাহন আৰক্ষী উপস্থিত হৈ মৃতদেহ মৰণোত্তৰ পৰীক্ষাৰ বাবে GMCH লৈ প্ৰেৰণ কৰে ।
আৰু পঢ়ক : কটকত শৃংখলা দখলৰ লক্ষ্যৰে নামিব ভাৰতীয় দল
