নিউজ ডেস্ক, 15 জুনঃ বিশ্বৰ ভিতৰতে পঞ্চম বৃহৎ অৰ্থনীতিলৈ ৰূপান্তৰিত হ'ব ভাৰত ৷ নতুন দিল্লীত আয়োজিত কনফেডাৰেশ্বন অৱ ইণ্ডিয়ান ইণ্ডাষ্ট্ৰীজৰ ৰাষ্ট্ৰীয় আলোচনাচক্ৰত উত্থাপন হৈছে এই কথা ৷ কেন্দ্ৰীয় গৃহ আৰু নগৰ পৰিক্ৰমা মন্ত্ৰী হৰদীপ সিং পুৰীয়ে উল্লেখ কৰিছে এই কথা ৷
কেন্দ্ৰীয় মন্ত্ৰীগৰাকীয়ে প্ৰকাশ কৰা তথ্য অনুসৰি, বৰ্তমানে 2.8 ট্ৰিলিয়ন ডলাৰৰ অৰ্থনীতিৰ গৰাকী ভাৰতে চলিত বৰ্ষতে এই পৰিসংখ্যা 3 ট্ৰিলিয়ন কৰিবলৈ সক্ষম হ'ব আৰু পৰৱৰ্তী সাধাৰণ নিৰ্বাচনৰ আগে আগে এই পৰিসংখ্যা পাঁচ ট্ৰিলিয়ন ডলাৰ হ'ব ৷ ইয়াৰ দ্বাৰাই ভাৰতে সংযুক্ত গণৰাজ্যক অতিক্ৰম কৰি বিশ্বৰ পঞ্চম সৰ্ববৃহৎ অৰ্থনীতিৰ গৰাকী হ'ব ভাৰত ৷ তেঁও লগতে উল্লেখ কৰে যে, 2030চনৰ ভিতৰত ভাৰতে দহ ট্ৰিলিয়ন ডলাৰ অৰ্থনীতিৰ গৰাকী হ'বলৈ সক্ষম হ'ব ৷