নিউজ ডেস্ক, 22 এপ্ৰিলঃ বুধবাৰে ফেচবুকে ঘোষণা কৰে যে, তেওঁলোকে 5.7 বিলিয়ন আমেৰিকান ডলাৰ বিনিয়োগ কৰিব ভাৰতীয় উদ্যোগ প্ৰতিষ্ঠান ৰিলায়েন্স জিঅ'ত। ভৰতীয় হিচাপত এই ধনৰ পৰিমাণ 43,574 কোটি টকা । এই বিনিয়োগেৰে ফেচবুকে মুকেশ আম্বানীৰ মালিকানাধীন ৰিলায়েন্স জিঅ'ৰ 9.9 শতাংশ অংশীদাৰিত্ব ক্ৰয় কৰিব । যিকোনো টেকন্ল'জি কোম্পানীৰ দ্বাৰা কম সংখ্যক অংশীদাৰিত্বৰ বাবে ইমান অধিক পৰিমাণৰ বিনিয়োগ এয়াই বিশ্বত প্ৰথম ।
আনহাতে ৰিলায়েন্সৰ পৰা প্ৰকাশিত আন এক বিবৃতিত উল্লেখ কৰে যে,ফেচবুকে জিঅ'ৰ 4.62 লাখ কোটি টকাৰ প্ৰি-মানি এন্টাৰপ্ৰাইজৰ মূল্যৰ (65.95 বিলিয়ন আমেৰিকান ডলাৰ,প্ৰতি ডলাৰত 70 টকা হিচাপত ) প্লেটফৰ্মত বিনিয়োগ কৰিব ।
জিঅ' প্লেটফৰ্ম সম্পূৰ্ণ মালিকানাধীন ৰিলায়েন্স ইণ্ডাষ্ট্ৰি লিমিটেডৰ সহায়ক কোম্পানী,যিয়ে ডিজিটেল সেৱা প্ৰদান কৰি আহিছে । ৰিলায়েন্স জিঅ' ইন্ফকাম লিমিটেডৰ চাস্ক্ৰাইবাৰৰ সংখ্যা হৈছে 388 মিলিয়ন । এই কোম্পানীটোৱে বেলেন্স ছিট নাইকিয়া কৰিবলৈ ৰণনীতি হিচাপে কৌশলগত ভাৱে অংশীদাৰিত্ব বিক্ৰী কৰিব বিচাৰিছিল ।
চাউদি আৰামকোক 20 শতাংশ অংশীদাৰিত্ব 15 বিলিয়ন আমেৰিকান ডলাৰত বিক্ৰীৰ বাবে ৰিলায়েন্সে কথা পাতিছে । তেলৰ পৰা ৰাসায়নিক ব্যৱসায়লৈ সকলোকে সামৰি ল'ব এই অংশীদাৰিত্বই । আনহাতে পৰৱৰ্তী বৰ্ষত ঋণহীন ব্যৱসায়ৰ বাবে ইন্ধনৰ ব্যৱসায়ত BP Plcৰ সৈতে সহযোগিতা কৰিছে । ৰিলায়েন্স জিঅ'ই গুগ'লৰ সৈতেও কথা পাতিছে,কিন্তু কি বিষয় লৈ কথা পাতিছে সেয়া স্পষ্টকে জানিব পৰা হোৱা নাই ।
ফেচবুক-জিঅ'ৰ চুক্তিয়ে দুয়োটা কোম্পানীকে লাভাৱান্বিত কৰিব । ইয়াৰ ফলত ফেচবুকে ভাৰতত আৰু অধিক দ'লৈ শিপাব পাৰিব, যিয়ে ভাৰতত চীনৰ পিচতে দ্বিতীয় সৰ্বাধিক বজাৰ দখল কৰি আছে । বৰ্তমান ফেচবুকৰ 400 মিলিয়ন হোৱাটছএপ ব্যৱহাৰকাৰী ভাৰততে আছে, যিয়ে বৰ্তমান পেমেণ্ট অফাৰ আৰম্ভ কৰিব বিচাৰিছে ।
ভাল টেলিকম সেৱাই ফেচবুকৰ চাহিদা বৃদ্ধি কৰাত আৰু অধিক লোকৰ মাজলৈ যোৱাত সহায় কৰিব । 2016 চনত আৰম্ভ কৰা ৰিলায়েন্স জিঅ'একমাত্ৰ ভাৰতীয় উদ্যোগ,যিয়ে যুক্তৰাষ্ট্ৰৰ দৰে দ্ৰুত বিকাশশীল উদ্যোগক প্ৰত্যাহ্বান জনাব পাৰিছে ।
হোৱাটছ্এপ, ইন্ষ্টাগ্ৰামৰ সৈতে ফেচবুকে ভৰতত অধিক ব্যৱহাৰকাৰী বৃদ্ধিত গুৰুত্ব প্ৰদান কৰিছে । 2022 চনলৈ ভাৰতত ইণ্টাৰনেট ব্যৱহাৰকাৰীৰ সংখ্যা 850 মিলিয়ন হোৱাৰ সম্ভাৱনা আছে । তথ্য অনুসৰি 2017 চনত ইয়াৰ সংখ্যা ৪৫০ মিলিয়ন আছিল ।
লগতে পঢ়কঃ বাংলাদেশ, ভূটান, শ্ৰীলংকা আৰু আফগানিস্তানলৈ প্ৰেৰণৰ বাবে ভাৰতীয় স্থলসেনাৰ দল
